Einstein Tial Tami Cakuat "God Letter" An Zuar

Vawleicung minthang bik mifim pakhat a simi Albert Einstein nih 1954 ah khan cakuat a rak ttial. A rak kuatmi cu German philosopher Eric Cutkind a si i Eric cu Einstein he Pathian kong sau ngai aa rak iruah ttimi pa a si.

A thih hlante i a rak ttialmi cakuat ah Pathian kong biapi ngaiin a rak ttial:

– "Pathian" timi biafang hi minung kan derbiknak a langhtertu a si ti hlei in ka caah man a ngeihnak a um lo. Bible cu tuanbia le mi thangthatnak pawl in a khat, nain cu ve bantuk in a hlun tukmi bia le hla an si (a fawinakin) tiah Einstein nih a ttial.

Amah hi Israel judah phun a si.

- I uang ngai le lawm ngai in miphun chungtel ka sinak Juda phun pawl zong hi miphun dang (minung dang) he an man aa khatmi an si ko (A hleiin minung an sinak um lo.) tiah a ttial.

"God letter" tiah theihmi cakuat cu New York i lehlaan-thilzuarnak Christies ah dollar million cheu hrawng an thawk nain 2.9 million in a cawtu an um tiah BBC nih a ttial. Einstein cakuat an zuar hi atu lawng a si lo.

Israel Prime MInister Ziknawhnak le Sualnak