Rel ve: Social Media le Pathian Rianttuantu (Pastor)
Asinain Lunglung dah ti lo, aho leh ka tong lo. :) Lunglung nih a ka lehmi cu:
- Tawi tein ka vun ttial ve lai mu. Jesuh cu misual kan mah ruangah/caah a thi. Misual nih kan thah ti khawh a si? Jesuh hrim nih misual mi hna khamh/tlanh awk ah ka ra tiah fiang tein a chim. Khamh a si hnga ding mi hna cu misual an si ding kha a fiang bak. Misual mi hna kan caah/ruangah a nunnak pek cu a si i, a tlanhmi hna misual pawl nih kan thah ti hi ka zumh. Kan thah ko na buin a kan tlanh/khamh tthiam2 mi hi khuaruahhar zeibantuk biaknak hmanh nih a iang kho lomi Pathian vel cu a si ti hi thinglungah cam loin aa um kho hrim lo e kawi Bawi.
Pastor, asiloah Evan. pakhat khat nih hei kan fianh sehlaw, asiloah ruah awk le bible caang hei kan chim kho sehlaw ti khi ka saduh thah ngai a si, nain Facebook le social-media pawl ah nungak hmanthlak zoh/like lawng cu maw an rianh (cheukhat chimmi), asiloah an umkalnak i hmanthlak post lawng cu dek a si (an chim tthiammi), an um lo. Lunglung cungah kai lawm ngai, aruang cu Bible kau i zoh duhnak lung a ka thawhter.
Relchap: Jesus Nih Khrihfa Kong Ceihhmai Le Sawisel A Onh
2004 kum ah Khrihfa hna nih zoh kan rak i ngaih ngaimi movie cu "The Passion of Christ" timi a si i Mel Gibson nih Director a ttuan caah Interview an rak tuah i Jesus a thattu hi mi zeidah an si, tiah an rak halmi. A lehmi hna cu "Kan zate nih Jesus kan thah," ti a si.
Hi kong ka ruah tikah keimah zumhning in cun Mel Gibson he kan i kalh ngai i Lunglung nih a ka lehmi he zong aa kalhnak a um sual kho nain keimah nih ka hmuhmi chung in careltu hawikom sinah tlawmpal chim ka duh.
Gibson hi Theologian a si lo, nain Khrihfa tampi nih hi a chimmi an i ruah i a pomtu an tam ngaingai. Thawngttha bia chimtu tampi zong nih an chim tawnmi a si. Sihmanhsehlaw, Bible nih teh mah ti cun a chim ve maw, timi a biapi cem hnga.
"Jesus a thattu ah kan itel dih," timi bia hi a hmannak zong cu a um. Israel/juda pawl cu a luancia kum zakhat hrawng ah "Jesus thattu" tiah Khrihfa pawl nih an rak huat tuk hna. Asinain mi vialte hi kan sual dih. Israel pawl nih Vailam ah Jesus an khenh chih lio (Khenh chih ko, an ti.) ah khan kanmah cio zong hi kha bantuk a chim i a tuah khomi chung muru sualnak kan ngei dih. Kan chuahsemnak in Pathian nih a kan thlauh lo a si ahcun "kokek" sinak nih ruah ngam lomi sual tuah khawhnak kan ngei.
Relchap: Harnak Caan Chung I Hnangamnak
Kan vantthatnak cu Pathian nih kan ruah ngam lomi sual-ningzahnak hna chung in a kan khamh tawn (Salm 19:12-14). Cu a sullam cu Sualnak a tuah kho tukmi mi sual kan si tinak a si.
Biahman a simi cu kan zapi in misual kan si ko, nain cucu Jesus kan thah tinak a si lem lo.
Cuti a si ah, Jesus cu honih dah a thah kon?
Mi tampi nih cun "Jesus kan thah ko," tiah an pom, a ruang cu kan sualnak ruangah Jesus a thih a herh caah a si tiah an chim. A hman vemi cu kanmah minung hi sualnak ngei hlah usih law Jesus hi a thih a herh hnga lo. Mah cu zawn ah cun kan sualnak ruangah Jesus thihnak cu a si.
Cu ve bantuk cun kan sual ko zong ah Jesus hi a thih hrimhrim awk ah a rak herh lem lo. Jesus nih thi lo ding in a rak i thim khawh ko. Pathian nih zei zongte a tuah khawh ko. Mah cu bu cun aho fial lo in Jesus nih thih ding kha aa thim tthiam ko. Cuti Jesus a thih ruang ah kanmah nih kan thah tinak a si hrimhrim lo, tiah ka pom.
Jesus hi nangmah le keimah nih kan that lo. Jesus an thah lio ah kan rak sem rih lo, i kan i tello. Tulio ka zoh ngaimi TV Series "Flash" cu caan a khirh (Time Travel) kho, i amah bantuk in kan khirh khawh lo caah Jesus thih lio ah kan rak um lo.
Bible chung zong ah Khrihfa pawl nih Jesus an thah timi a um lo. Mah cu a si na bu in minung nih Bible leng in kan ruahmi kha kan chim tawn.
Jesus nih amah duh thimnak tein a nunnak a pek ko.
"Ka Pa nih a ka dawt cu kan nunnak pek ka sian caah a si, cu pek ka sian cu ka nunnak kha ka hmuh tthannak hnga caah a si. Ka nunnak cu aho nih an ka chuh a si lo, keimah lungtho tein pek ka sianmi a si ko. Peknak nawl kaha ka ngei i lak tthannak nawl zong ka ngei. Cucu ka PA nih tuah seh ti a ka duhmi cu a si," tiah a ti. (Johan 10: 17-18)
Tuanbia ah Jesus cu Rome ralkap le Israel pawl nih that (Lamkaltu 4:24-28) hmanh hna sehlaw, cucu Jesus nih tuahnak nawl a pek hna ruang lawnglawng ah khan a si ko. Jesus nunnak lak asiloah thahnak nawlngeihnak hi an kut ah a rak um lo, aruang cu Jesus cu nunnak le thihnak hna cungah nawl a ngeitu Pathian a si.
Relchap: Inncungcih Bauh Tu A Rak Herh
Jesus nih a nunnak a pek bantuk in kan sualnak in kan luat khawh nakding ah Pa Pathian nih a ngeihchun a simi a fapa cu luruh-tlang ah a tar.
- Bawipa nih aa thawh i,"Temnak a in cu ka rak duhmi a si ko: thihnak cu ngaihthiamnak a umtertu raithawinak a si."... (Isaiah 53:10a)Pathian nih a fapa ngeihchun a tem tuar kha zoh a duh caah si lo in a ta a simi kanmah kha sualmuihnak le thihnak chung in cawk tthan le laak tthan a kan duh caah a si (Titas 2: 14).
"Mi vialte nih Jesus kan thah," timi ruahnak cu a hman tukmi a lo, nain Jesus sinak le dirhmun ruah tikah aa ralchan tuk. Kan sinak le kan dirhmun in Jesus thahnak ding thil ti khawhnak (power) hrimhrim hi kan ngei lo. Pathian nih a fapa ngeihchun nunnak a laak. Kan tuah khawhmi zeihmanh a um lo, zei zongte hi Pathian nih a tuah dihmi a si.
Pathian nih a fapa thi lo ding in a ruah khawh ko. Asinain Jesus nih a nunnak kong ah nawlngeihnak a ngei. A nunnak pek khawhnak nawl a ngei. A thih hi a rak herh lo. Asinain a kan dawt tuk caah a nunnak cu a rak pek.
Na capaar cu a pom ning bak a si ve chap chih ka duh mi cu khrih a that tu taktak cu Pathian asi,a ruang cu a kan Dawt caah le khrih zong nih a kan Dawt caah a si a taktak ah cun pakhat zong an si ko tiah ka ruah
ReplyDeletena rak rel le kai lawm, na chim bang a kan dawt ca rumro a si ko.
DeleteNa capaar cu a pom ning bak a si ve chap chih ka duh mi cu khrih a that tu taktak cu Pathian asi,a ruang cu a kan Dawt caah le khrih zong nih a kan Dawt caah a si a taktak ah cun pakhat zong an si ko tiah ka ruah
ReplyDeleteUpatmi Pa Bawi, Jesuh thahnak le thihnak hi Pathian nih kanmah hna semhlan in a timhciami a si, Apostle.2:23) ah kan hmuh, cucaahcun a tlamtlintertu ah Jew mi a hman hna,thi dingin a timtu cu Pa Pathian a si i thattu dingah a hmanmi hna cu Jew an si, a thattu cu Jew an si, Peter nih a timi hna an si, nanmah nih thingcung ah nan rak thahmi a si i Pathian nih Bawipa le Khrih ah a ser kha Israel chungkhar vialte nih ral hngal uh a ti hna, Aposlte.2:36
ReplyDeleteSinain an thinhun an celh lo, sihmanhsehlaw Peter nih ingaihchih uh kan thah hrimhrim ko ti ulaw sualngaihthiam nan si lai a ti hna, Lunglung nih a chim na timi kha sualnak lawngin an leh caah a si, phundang in chim le bang ahcun kannih kokek sinak le bang cun Gentle kan si i a hngalh hmanh a hngalhmi kan si lo,biakam fale cu Jew mi an si, Pathian nih vel a kan ngaihtuk caah hin Gentle chuahkehnakin a simi hna hi Jesuh thawngin pennak chungah luhnak nawl kan ngeih hi I lawmhtuk ding kan si, a sau ngai ka ngaithiam na cattial tete a relnuam tuk, Jonathan Thang
Kai lawm taktak. Ka ruahmi belte a um na chim hnu in, cucu Gentle timi hi minung kawhnak a si ko rua, Pathian nih Minung a ser lio ah a rak kan tthen lo. Sualnak (eden in) cu mi vialte ca a si i cu sualnak in khamh awk ah Jesus a ratmi a si Jew mi a kamhmi he aa khah lo a si ahcun kokek sualnak hi pom lo a fawi te.
Deletena ca tial minih, a kan tuai ngai ve,
ReplyDeleteA ka tuai ngai ve ko, ka zumh deuh mi ka van ttial nain fiang deuh in a kan chim khomi an um ahcun ka duh ngai ve. kai lawm.
Delete