Kawlram Parliament tonak a lawngmi caah karthlak in thimnak an tuahmi hmun 13 ah Chinram in Matupi le Kanpalet aa tel, i Kanpalet ah cun Chin party nih teinak a hmu lai lo tiah ruahdomh a rak si ko.
Karthlak thimnak zarh khat hmanh aa duh hlan ah NLD hruaitu le State Counselor pi Suu Kyi nih Kanpalet a rak tlawn. Cozah lei rianherh ah a tlawnmi a si tiah an chim nain a taktak ti ahcun NLD le Kawl pawl nih Kanpalet hi humzual an duh ngaingaimi hmunhma a si. Khrihfa an tlawm, chaklei Chinram he pehtlaihnak a har tikah fawite in an lung lak khawhnak a lam tampi a um.
 |
| No Than Kap: Suu Kyi Nih Kanpalet A Tlawnmi Vote Hal Ah A Si |
Pi Suu Kyi sinah an duhmi le Kanpalet caah an duhmi vialte cauk in an ttial i an phurhter. Mah cu a si komi NLD vote pek lo phung a si lo. Cozah a tlai liomi party a si i pek khawhnak nawl le thazang a ngei. Mahhi ziknawh le eihmuar phun khat a si. Khat lei in NLD cu Buddhist an tam, Victoria tlang i Buddhist temple pawl le pura hna a va lenmi nih bia nakin hmual a ngeihter deuh khawh. Vawleicung a sifakbik le fimcawnnak a niambik miphun kan si aa hngalhnak ah Biaknak hi miphun le ram hmai ah a chiahmi kan si rih caah a si kho.
Kan van lau ngaimi cu USDP nih Kanpalet khuate pali-nga ah teinak an hmuh vemi hi a si. Zeiruang ahdah a si? Kawl an kai tuk caah maw a si, an biaknak ruang ah maw a si, asiloah fimcawnnak le theihhngalhnak an bau ngai rih caah dah a si? Chin party lawng si loin, Chinmi vialte party thleidannak um lo in kan miphun kong ah cozah tlaimi he mipi he fakdeuh khuaruah le rianttuan a herh nan ti lo maw?
Chin Party i fonh in Kanpalet ah ttan la hna hlah sehlaw, USDP nih a tei khawh men tiah ka ruah. NLD a rak sung dengmang. USDP nak in cun NLD nih a teimi kha a tthadeuh rih fawn. DVB nih vote thlatu an tlawmtuk tiah a ttial, i a thla lomi pawl khi thla hna sehlaw, USDP an pek khawhmi a si.
Matupi ah USDP nih teinak an hmuhnak khua pakhat hmanh a um (rua) lo. NLD le Chin party pawl hmanh ah CLD nih ceinawn tein a tei. Mah hi CLD an thiam tuk ruang ah maw a si hnga? Matupi peng an lungfim cang ruang ahdah a si hnga? Ruah awk ngai a um. Chinmi nih kan miphun Party dirpi cu mah le mah i dirkamh, an i cawisan le i dawt a si ko.
CNDP ah an i fonh cang nain CLD le CPP min in an i cuh rih caah hin an thazang a derdeuh zong a si kho. Hmai lei ah cun Chin party pawl nih Election lai lawng ah cawl lo in Party cu organization pakhat bantuk in a cawl peng le rian a ttuan peng a herh ngaingai. Tha pek nak he.
Kan van lau ngaimi cu USDP nih Kanpalet khuate pali-nga ah teinak an hmuh vemi hi a si. Zeiruang ahdah a si? Kawl an kai tuk caah maw a si, an biaknak ruang ah maw a si, asiloah fimcawnnak le theihhngalhnak an bau ngai rih caah dah a si? Chin party lawng si loin, Chinmi vialte party thleidannak um lo in kan miphun kong ah cozah tlaimi he mipi he fakdeuh khuaruah le rianttuan a herh nan ti lo maw?
Chin Party i fonh in Kanpalet ah ttan la hna hlah sehlaw, USDP nih a tei khawh men tiah ka ruah. NLD a rak sung dengmang. USDP nak in cun NLD nih a teimi kha a tthadeuh rih fawn. DVB nih vote thlatu an tlawmtuk tiah a ttial, i a thla lomi pawl khi thla hna sehlaw, USDP an pek khawhmi a si.
Matupi ah USDP nih teinak an hmuhnak khua pakhat hmanh a um (rua) lo. NLD le Chin party pawl hmanh ah CLD nih ceinawn tein a tei. Mah hi CLD an thiam tuk ruang ah maw a si hnga? Matupi peng an lungfim cang ruang ahdah a si hnga? Ruah awk ngai a um. Chinmi nih kan miphun Party dirpi cu mah le mah i dirkamh, an i cawisan le i dawt a si ko.
CNDP ah an i fonh cang nain CLD le CPP min in an i cuh rih caah hin an thazang a derdeuh zong a si kho. Hmai lei ah cun Chin party pawl nih Election lai lawng ah cawl lo in Party cu organization pakhat bantuk in a cawl peng le rian a ttuan peng a herh ngaingai. Tha pek nak he.
 |
Chin Parties Caah 2015 Thimnak Hi Ramkhel Kong Cawnnak A Si |
Zeitindah na ruah ve?
Comments
Post a Comment