Manchester United nih 3-2 in Newcastle a teimi kha Mourinho chanhchuahtu a rak si, atu cu a rian him ko rih tiah English media nih an ttial.
Asinain Fans le media cheukhat nih an chimnak ah Mourinho hi Old Trafford in a chuah tikah cun Zinedine Zidane hi an lak te lai tiah an zumh. Real Madrid rian a chuah tak hnu in voi tam ngai United le Zidane pehtlaihnak an ngeihter.
Sihmanhsehlaw, Zidane agent nih a chimning a si ahcun Manchester United nih Mourinho hi a rian phuak hmanh hna sehlaw Zidane cu lak khawh dawh in a um lo.
Alain Migliaccio cu Zidane agent a si i The Telegraph nih Manchester United kong ah bia an halmi cu tihin a leh hna:
– Zidane hi England ah aa tthial lai ti ka zum lo. England i bawlung an chuihning style khi a uarphun cu a si lo, amah sining he zong aa dan ngai caah English Club hruai ding cu a duh lai ka zum lo tiah Alain Migliaccio The Telegraph ah a chim.
Zei si hmanh ah England ah manager rian um ahcun na ttuan lai maw ti cu ka hal, kan i ruah lengmang tiah ipheh lo in a chim.
– England tthial kong kan caih ahhin tampi a chim lo, a lung um dawh a si lo tiah Migliaccio nih a chim chih.
Mah hi a rak si caah Zidane lak khawh lo ding ahcun Mourinho rian phuah rih lo ding in United hruaitu nih an khan i a si lai tiah The Sun le Porpok-news pawl nih an ttial.
Zidane cu Real Madrid a peh in Champions League voithum a teipi hna hnu ah aa dinmi a si. Tu kum chung cu i dinh a duh ko, kum thar tu in Club pakhat khat cu a tlaih te ko lai, tiah a agent nih cun rian a kawl lo kong a chim.
Zei Club dah a tlaih te lai tiah na ruah?
– Tu kum cu aa din ko lai. A ralaimi kum ah rian a luh ahcun Juventus hi a si ding a fiang bik. Hi Club ahhin Zidane saupi a rak chuihnak a si. Manchester United nakin hika a ttuan ding a fiangdeuh a ti.
 |
| Manchester Rian Kong ah Zidane nih Mourinho Thin Ah Tikik A Tawih Piak |
Comments
Post a Comment