England media pawl nih a rauh hlan ah Mourinho hi a rian chuah si lai tiah biasi an phai colh. Zumhtlak ngai a simi Telegraph nih a ttialning ah Manchester United hruaitu hna cu Mourinho kong ah an lungdong ngai cang, i zeitik ahdah an phuah lai timi an caih khawh rih lo lawng a si.
Champions League ah Valencia he an chuih ding he pehtlai in Press Conference an tuah lio ah Mourinho nih "players aa nuam lomi an tam tuk. Cun ka lei a ttang lomi players an tamdeuh cang" tiah fiang tein a chim. Club director he zong pumpak biaruahnak an ngeih kong a chim. Mourinho hi cu hlan a rak tlaihmi Club pawl zong ah a kum thumnak ah cun a ngeitu he maw, a hruaimi bawlungchuih thiam pakhat khat he buai lo a um lo tiah theih a si.
Mourinho says 'I think some care more than others' and some fans see it as a negative. Juan Mata and Luke Shaw, players Mourinho sold and swerved, have sounded the most affected by the West Ham defeat. He has every right to dig out the cowards and wantaways. #mufc— Samuel Luckhurst (@samuelluckhurst) 1. oktober 2018
Zinedine Zidane an duh bik.
Mourinho an chuah a si ahcun hodah an lak lai? David Moyes, Van Gaal le Mourinho nih Ferguson a chuah hnu Vawleicung i club lianbik United hi an cawi sang kho ti lo. Valencia he thaizing i an chuih tikah an tei lo ahcun tu zarh ah an chuah lai tiah Expert a tamdeuh nih cun an ruah. Ferdinand zong siseh a dang United a chuih balmi zong nih an chim.
Manchester United manager thar ding ah min thimmi an tampi nain Telegraph nih cun Zidane hi United hruaitu nih an duhbik. Cuti an zumhnak zong cu, Zidane nih Mirang holh cawn a thawk cang caah a si. Cun Juventus i Sport-director a ttuanmi rian cu kan hnu zarh laifang pi ah a ngol.
Zidane nih Mourinhon phone a chawnh.
Mourinho a lau cang, Zidane nih ka rian a ka chuh lai ti a phang tiah The Sun nih cun a ttial. Real Madrid an rak um lio ah tthatthi in aa chawn lomi aa rem lomi an rak si tiah theih an si. Zidane nih Mourinho cu phone a chawnh i United rian hmuh khawh nakding caah a hnulei in rian a ttuan lo kong fiang tein a chimh. Cun Media nih an chim sawhmi a si, ka agent tu nih cun United rian hi lawng sehlaw na ttuan duh lai maw tiah bia cu an ka hal. Asinain hi kong ah zeihmanh bia khiahnak kan tuah lo tiah a chimh, ti a si.
Mourinho an chuah ahcun a rian chawng ding ah an zumhbik mi hna:
1. Zinedi Zidane (Champions League peh in lak hnu aa dinmi.)
2. Antonio Conte (Chelsea nih rian an phuahmi)
3. Mauricio Pochettino ( Tottenham ah a duhning phaisa an chuahpiak lomi)
4. Didier Deschamps (World Cup ah France pakhatnak a lakpi hna.)
5. Manchester legend pawl chung pakhat poah?
Share Share Share
Comments
Post a Comment