World Cup Teitu Nih An Co Ding Phaisa Zat

Kan i ngaih tukmi World Cup cu an thawk cang. Inntek Russia nih Saudi Arabia cu an siangpahrang fapa Mohammed bin Salman hmai ah 5-0 in an tei hna. June 15. cu Spain le Portugal an itong lai. A dang zoh nuam ding pakhat cu Egypt vs Uruguay hi a si.

World Cup chuih zoh lawng kan i ngaih. Kan ttanhmi phu an sungh le an awn ah phaisa zeizah dah an hmuh timi fiang in a thei lomi kan tampi khi. 2014 World Cup ah Germany zeizat dah an rak hmuh?

Germany nih 2014 World Cup a tei ah khan a zapi tein an hmuhmi cu US dollar in 35 million an rak i tlunpi. Asinain tu kum cu a hung tamdeuh lai.

FIFA nih 2017 October ah khan World Cup i laksawng pek ding cu US dollar 400 million a si lai tiah a rak thanh. $400 million hi pakhatnak a hmumi nih i lak ding a si lo, a tanglei bantuk in an i tthen lai.

Group A in H tiang 8 an um, i ram 32 an si. Group pakhat ah ram hnih cio an kai lai. Cu ram hnih cio nih Group in an kai caah $8 million cio an co lai.

2026 World Cup cu America ah an tuah lai.

Ram 16 an taang lai. Ram 16 chung in teinak a hmumi ram 8 cu $4 million cio chap an si lai i group tei man he $12 million a si lai.

Quarter-final a teitu ram li cu $4 million cio chap an si lai i tuan an tei man he $16 million cio an hmu tinak a si lai.

Teirialcatialtu Page hi Facebook ah Like ve law Facebook ah News rel ve. 
Pathumnak aa cuhmi ram hnih ahhin a sungmi ram cu $4 million pek a si lai i a zate a hmuhmi $22 million a si lai. Cun pathumnak a simi cu $6 million pek a si lai i a zate a hmuhmi $26 million a si lai.

Pakhatnak a hmumi teh?

Final i a sungmi (pahnihnak a simi) ram cu $12 million pek an si lai i tuan an hmuh ciami he cun $28 million an hmuh tinak a si.

World Cup teitu ram cu a zapi te an hmuhmi $38 million a si lai. Quarter-final an tei tiang ah $16 million an hmuh i Final an tei man $12 he cun $38 million a si tinak.  2014 World Cup teitu nak in $3 millon lawng a tamdeuh.

Cc: Goal