2018 World Cup an thawk hlan ni khat aa duh ah tu hnu kum riat i World Cup an tuah nakding hmun thimnak an tuah. North America: USA, Canada le Mexico i bawm in teinak an hmuh.
FIFA Congress nih Russia khualipi ah meeting an tuah i aganda biapi bik cu 2026 World Cup tuahnak hmun a si. Morocco hi biatak tein aa zuam vemi a si nain UN nih international phung a buarnak a tam caah vote pek lo ding in ruahnak a rak chuah i 134 - 65 in a sungh hi a si.
USA, Canada le Mexico ram thum fonh in an tuah ding a si nain USA ah puai 60 an chuih lai i Canada le Mexico ah puai 10 veve an chuih lai. Final cu New York ah chuih a si te lai tiah biakhiahnak an tuah.
Mexico nih 1970 le 1986 ah World Cup a don bal cang. USA nih 1994 ah a rak don ve, nain Canada cu atu hi voikhatnak a si lai.
2022 hi Qatar ah an tuah lai. Russia le Qatar i World Cup an tuahmi hi nitlak ram pawl an lung tling lo tuk.
The moment our united dream became a reality! 🇨🇦🇲🇽🇺🇸 pic.twitter.com/rCTiTcxGXj— United 2026 (@united2026) 13. juni 2018
NRK/ SKY SPORT
Comments
Post a Comment