USA President Nih Ni Khat Ah Lih A Chimmi Zat An Langhter

Donald Trump hi president a si ni thawk in kum thum chung ah lih a siloah bia-porh (misleading allegations) voi 16241 a chim tiah Washington Post nih Fact-check an tuahmi an langhter.

Donald Trump nih "Fake news" ti cu aa hngalh tuk nain ni khat ah voi 22 (16241x3 yaers) lih a chim tiah Trump nih president dirhmun in a chimmi vialte khomh in Fact-check an tuahnak Data-base nih a langhter.

Media Matters ningah Trump nih Fox TV kong Twitter ah 657 a ttial, i Fox & Friends thangthatnak voi 200 leng a ttial.

Amah uartu pawl nih cun amah chimmi lawng kha an zumh cang, nain Lih a silo hmanh ah amah le mah aa faknak a chimmi siseh ni khat ah voi khat tal Twitter asiloah TV ah mi mawhchiat le sawinak a chim lo a um lo ti a si.

Donald Trump cu Impeach an tuah i tu zarh chung ah President in an thlak ding le thlak lo ding Republican tamnak Senate nih bia a khiah khawh lai tiah an ruah lio a si.

Trump nih American pawl lunglaknak caah a hmanmi pakhat cu "USA khuasaktintuk a tthangcho tuk," a timi hi a si. Mah hi cu a dik lomi a si tiah Washington Post nih a langhter.

Voi 257 hi amah White House a phak hnu in USA tuanbia ah sipuazi a tthatcem a si tiah aa fak. Asinain zei bantuk tahfung in a va tah len hmanh ah amah hlan USA president a simi Ulysses S. Grant, Dwight D. Eisenhower, Lyndon B. Johnson le Bill Clinton chan tluk in sipuaizi a rak tthat le tthancho kha a tluk naisai lo ee tiah cu thawngca nih cun a langhter chih.

Voi 242 hi Mexico vampang kong ah lih a chim ti a si. Atu tiang a lim lo hlei ah Congress nih hi vampang caah phaisa an thlak piak duh lomi a si.

Voi 184 cu amah president si hnu in USA tuanbia ah ngunkhuai (tax) tlawmbik kan lak tiah a chim, nain cucu a dik bak lo an ti. Ronald Reagan chan ah 2.9 in ngunkhuai an rak tthumh, i Trump cu 0.9 lawng pei a thumh ko cu. Cucaah hi tham hi cu a luancia kum 100 chung i USA ngunkhuai an tthumhmi lak i a lianbik/tambik pariatnak lawng a si, an ti.

Washington Post lawng a si lo, Vox.com zong nih Trump lih a chimning a langhter i Europe media le institution hna zong nih Fact-check an tuah ttheo i lih a tam ko.

Iran Gen. Soleimani a thahmi kong zong ah biahman a chim tak hnga maw?

Foto: Washington Monthly

Watch dress code tax economy music