Conor McGregor hi 2018 october i Khabib Nurmagomedov nih a tei hnu khan aa thong ti lo. 2019 chung aa thong lo nain Forbes ning ah zaanglek aa celhmi hna lakah i vawleicung phaisa hmubik 21nak a si. US$ million 47 a hlawh.
Cucu aa za lo i tu zan hi kum 36 a si cang mi Donald Cerrone (Cowboy) he an i thong lai.
"Hrikulh chung ah hlan i ka rak tuah tawn bantuk in khuaruahhar pakhat ka tuah lai. Asinain tutan cu a mak khun lai," tiah McGregor nih an i thongh hlan ah a chimmi ESPN ah rel khawh a si.
Zei si paoh Conor hi kum khat leng aa thongh ti lo caah Donald Cerrone nih a tei ding hi Experts nih an zumh ngai. Donald cu ttha tein training a tuah pengmi a si. Cun Conor nih a tei zong ah a caah minchiat tuk ding a um lo, nain amah nih a tei a si ahcun Conor caah cun sungh zatlak ngai ding ah ruah a si.
Conor McGregor hi 2013 ah vawleicung i a sangbik/nganbik MMA thonghnak a simi UFC ah a lut. 2015 ah UFC i kum 10 hrawng a rak lor tukmi Brasil pa Jose Aldo he taisawm i cuh in an rak i thong i Conor nih fawituk in a rak tei.
"K.O in Round khatnak ah ka tei lai," tiah Conor nih 2015 i an i thongh hlan ah a rak chim i a chimning bantuk te in Seconde 13 ah Aldo cu a lungmit i a rak tlu tak. UFC tuanbia ah a rangbik teinak a rak si.
2016 ah Eddie Alvarez he i thonghnak caan an rak ngei tthan i fawituk in K.O in a rak tei hoi caah taisawm pahnihnak cu a rak i tlaih. UFC-tuanbia ah Conor lawnglawng hi UFC taisawm phun hnih voi khat ah aa tlaih khomi a si.
"Keimah 'level' an si lo. Thiamnak pakhat tel na ngeih a herh, asilo ahcun na pum in na lu ka tthen lai," tiah teinak a hmuh khawhka ah biafak ngai a rak chim.
2017 ah Boxing aa thong i a sung. Conor hi siifak le mihar te a rak si. A min thang hnu ah umtu zia a thiam huaha lo, a lor tuk i a min chia ngaimi a si.
Donald Cerrone he an i thonghnak ding le a caan: UFC 246: McGregor vs. Cowboy
• Saturday, Las Vegas
• Early prelims: ESPN+, 7 p.m. ET
• Prelims: ESPN, 8 p.m. ET
• Main card: ESPN+ PPV, 10 p.m. ET
Comments
Post a Comment