Impeachment in taza an cuai ni ah Trump le a cozah nih Myanmar tel in ram sarih cu USA luhnak phih a timh hna tiah Wall Street Journal nih a ttialmi Politico nih a hun langhter.
Cu hlan ah Iran, Libya, Somalia, Syria, Yemen (jemen) le North Korea, Chad pinah Venezuela (cozah le political officials paoh) a rak phih hna. Chad cu 2018 april ah a onh tthan.
Na Rel Cang Maw?: 2019 Leicung Ram Tthabik
Trump cozah nih hin Musliam ram pawl kha biapi in a rak phihmi hna a si, nain tutan a hun chapmi ram sarih chung ahhin Muslim ram a si lomi, asiloah Muslim a tlawmnak ram a simi pawl kha an i tel.
Phih chap ding ram hna cu Myanmar, Belarus, Eritrea, Kyrgyzstan, Nigeria, Sudan le Tanzania an si tiah WSJ nih a cun a ttial. Myanmar a phihmi ah ralkap le political official lawng ti a um lo caah a ram ning in a si tinak a si ko.
Reuters nih a ttialning ah phih a tongmi rammi hna nih "kan phit hlah," tiah nawl le hal khawh cu a si ko nain cu bantuk cu aa bengbai ti a si.
Hi ram sarih lawng zong a si lo kho. Cun hi ram pawl hi Visa an sokmi phun zoh in tlawnnak nawl pekmi zong an um te kho ko tiah WSJ nih a ttial. Muslim ram zei mawzat a chap te ttheo lai ti zong an ruah.
FACEBOOK ah fawi le rangte in vawleicung thawngpang rel na duh ahcun TEIRIALCATIALTU PAGE hi LIKE rak tuak ve.
Visa watch, code, dress gold
Comments
Post a Comment