Iraq i USA ralbawi nganbik Gen. William Seely nih cakuat a ttial i Iraq parliament an biachahnak kan hmaizah caah USA hruaimi ramkipfonh ralkap phu [coalition] cu Iraq in kan chuak lai, tiah a thanh.
"POLITIK Fianternak" Laiholh tein Amazon ah eBook in rel khawh a si.
USA president Trump nih "American ralkap Iraq in nan tthawl hna ahcun fak taktak in phihnak kan in tuah hna lai," tiah Twitter ah aa hrocer nain Iraq mipi nih thimmi Parliament nih an cozah cu american tel in ram dang ralkap vialte hi ram in chuak chung hna seh tiah an hal.
USA cozah le Iraq ralkap nih Gen. William thawngthanhmi cu a dik ko tiah an fehter.
A cakuat chung ah "kan ralkap pawl cu a rauh hlan ah an umnak cio in kan khawmh hna lai," tiah a ttial. A cakuat relnak nawl a ngeimi AFP-news nih a chimning ah tu zarh dih lei cun Iraq in chuah ding an i tim colh lai.
George W. Bush nih Iraq a rak tuk ahhin Saddam Hussein cozah kha hrawh i Iraq ah Democracy toh piak le uktu thlen piak ding an rak duhmi a si. Asinain an i ruahning leng in sautuk ral an tuk caah le an hrawhmi a tam tuk caah USA nih phaisa le american nunnak tampi pe in Iraq remdaihnak, tthanchonak ding an ttuan tthan.
Nihin in dongh dawh a si.
BREAKING: The US military sends a letter to the Iraqi military announcing the “onward movement” of US troops “in due deference to the sovereignty of Iraq & as requested by the Iraqi Parliament & the Iraqi PM”. It’s a withdrawal. pic.twitter.com/tQHSsHTtez— Liz Sly (@LizSly) 6. januar 2020
Iran le USA buainak ka hun ttial te lai, Laica a rel khomi caah na siaherh cun rak Share ve te.
FOTO: SGT. KYLE TALBOT / SGT. KYLE TALBOT, AFP, NRK
Comments
Post a Comment