Iran ralbawi Soleimani hi zeiruang ahdah atu theng ah a thah timi biahalnak ka rak ngeihmi cu tu chun i U.S defence secretary Mark Esper nih CBS intervio i a chimmi Forbes nih a ttial chinmi ruang ah ka lung a hring chinchin.
"Embassy pali Iran nih kah a timh timi ka thei lo." tiah Esper nih zarhpini i CBS intervio ah a chim i "Kan Embassy pali kah an i tim kho men (Asi kho men) timi belte president nih a chim a si ahcun cucu kaa hrawm kho hnga." tiah a peh.
President Trump nih cun "Iran i kan interrests/embassy pawl kah/luh hnawh an timhmi kan theih caah kan thahmi a si." tiah fiang ko in a chimmi cu Defence Secretary Mark Esper nih Mark Esper "I would not provide intelligence to back up President Donald Trump's claim,..." tiah a chim. Pumpak kan ruahnak lawng a si ko, tiah a chim.
Quds timi ralkap bu hi Iran ralkap lakah ram leng i Operation a tuah khotu bu a si i a luancia kum li-nga chung vialte kha Iraq siseh, Jemen le Syria ah an lut chuak lengmang ko. Cun gen. Soleimani nih hin 2019 kum dih lei ah khan Israel ralchan in biafak ngai zong a rak chim i "Kah tak kan duh a si ahcun minit chung ah Israel cu a ciam ko lai, kan Rockets ah Death to Israel tiah kan ttial ko," tiah a rak chim.
Soleimani kahnak caan hi tampi a rak um ko nain atu theng ah a kahmi hi cu USA mipi lungtuainak le USA mipi lung laknak caah a tuahmi "Political disraction" a si ko timi hi ruah lo awk a ttha lo. Cuti ka ruahnak a ruang cu, Trump hi raltuk a duh lomi a si. Daihnak laksawng (Nobel Peace prize) hmanh naite tiang ah "keimah co awk a si," tiah aa chim rih.
Cun "Tei khawh lomi ral, asiloah phaisa lawng a dih i a chak kan rengh khawh lomi raltuknak hi ngol cang ding a si," tiah amah hlan president lawng si loin G. W. Bush lila zong cu Iraq ral kong ah a mawhchiattu a si.
Tu kum hi USA president thimnak a um ding a si. Donald Trump cu peh ding in timhtuah a si bantuk in zalong tein mipi sinah lemsawinak a tuah kho. Asinain Impeach an tuah liomi a si i a kong Senate ah a phan lai maw phan lai lo ti an ruah liomi a si. Cu tikah amah ttanhtu pawl le Israel ttanhtu pawl sin lunglaknak ah a tuahmi a si i Impeachment lawng USA media ah a langh lengmang caah hun thleng ta ning a ti khi a si tiah ka ruah ko.
Ral cu tho duh taktak sehlaw, amah nawl in ral a tho kho lo i Congress ah debate an tuah ta hrimhrim a herhmi a si. Atu Soleimani a thahmi zong hi a chimning in USA interrests Iran nih mah tan ah khan kah/puah a timh ko timi zei tehte dah a um tiah an hal ko, a chim kho rih lo.
Ral lian pakhat thawh tthan ding hi vawleipi nih a duhmi zong a si lo, American zong nih an duh lo. Gen. Soleimani an thah khawh tlawmpal ah detsi man a kai tuk colh. Vawleicung chawlet pawl an lungre a rak thei.
An kap hnih in raltuk kan duh lo, an ti veve. Asinain an general an thah caah Iran nih cun lehrulhnak kan tuah lai, an ti nain Iraq i USA/Nato buk rockets in an kahmi kha a phungmen an lehrulhnak si dawh a si ko. Iran zong nih "Ukraine vanlawng kan kah sual ko," an timi zoh tikah nem an hun i tim, i vawleipi thinlung lak le zangfahmi si an hun i zuam ti khawh a si.
Amah belte Iran hruaitu cung ah an miphun an lungtling lo, Ukraine vanlawng kan kah sual timi ruangah an hruaitu duhlonak langhter in lam an zawh colh.
A dang cu nai Victor Khensang nih facebook ah a ttialmi kha kaa hrawm.
IRAN ralkap thazang ka hun ttial te lai.
[Facebook ah TEIRIALCATIAL PAGE hi LIKE & Follow nan tuah a si ahcun blog click hau lo in Breaking News rel khawh a si. Hika Blog cu thukdeuh kherhlaimi le fiangdeuh in langhter duhmi kan ttialnak a si.]
Wish Watch Dress
Comments
Post a Comment