American Nih Iran Ralbawi Dang Pakhat An That Kho Thai Lo

USA president Trump nawlpeknak in Iran ralbawi lianbik Qasem Soleimani cu Iraq ah an nawn khawh tlawmpal ah Jemen i a ummi Iran ralbawi ngan pakhat thah an rak i zuam nain an that kho lo, tiah USA media nih an hun ttial.

January 3. ah khan Iran ralbawi Abdul Reza Shahlai thah ding in Jemen ah USA ralkap an rak i zuam. Abdul Reza Shahlai hi Soleimani nih a hruaimi Quds-ralkap bu hruaitu pakhat a si ve. The Washington Post le CNN nih an ttialning ah Shahlai hi thah ding in an luhhnawh nain an that kho lo.

Shahlai american cozah nih an kawlmi a si i a lu man ah dollar million 15 an chiahmi Twitter ah Rewards of Justice timi min in an tar.

The Washington Post nih a tonmi Source nih a chimning ah hi ralbawi pahnih thah ding hi voikhat ah nawl chuah ttimi an si i a ni zong aa khat, nain Jemen i thah an duhmi Shahlai an thur khawh lo caah biathli ah an chiahmi a si. Cu ruang ah Shahlai thah ding kong thawngpang a rak chuah lonak a si.

USA nih Iran ralbawi Soleimani an thah ahhin Drone an hman.

IRAN-USA Kum 70 Chung An I Pehtlaihnak A Dotdot In theih a duhmi ca