2019 chung ah YouTube in phaisa tambik a hlawhmi cu Ryan Kaji timi kum riat pate a si, tiah Forbes Magazine chuahmi CNN nih a langhter.
Ryan's World hi Youtube ah zultu million 23 a ngei. A tuahmi cu ngakchia lentecelhnak thilri pawl a hneksak (test) tete kha video in a lak i Youtube ah a chiah hna. Cun zeitindah cu thilri pawl pehtonh in kan duhmi thil lentecelhnak kan ser/ chuah khawh lai timi kha video in a chiah i a zohtu an tam taktak.
Ryan Kaji cu Chinmi ngakchia/ nan fale tampi nih an theih lai. 2015 in a Youtube Channel hi avoi in billion 35 hrawng an zoh piak cang. Mah cu nih 2019 ah US Dollar million 26 a ruhter. 2018 ah khan million 22 a rak ruh cang i kum hnih peh in Youtube phaisa hmubik a si.
Pahnihnak phaisa hmubik cu Dude Perfect timi hawikom panga khi an si. Pathumnak cu Anastasia Radzinskaya a si.
Nai zarh i Youtube in kaa din chung lai tiah thawng a thanhtu PewDiePie cu pasarihnak lawng a si cang, i 2019 ah dollar million 13 a ruh tthiam.
YouTube's biggest earners of 2019
1 -- Ryan Kaji, $26 million
2 -- Dude Perfect, $20 million
3 -- Anastasia Radzinskaya, $18 million
4 -- Rhett and Link, $17.5 million
5 -- Jeffree Star, $17 million
6 -- Preston (Preston Arsement), $14 million
7 (joint) -- PewDiePie (Felix Kjellberg, $13 million
7 (joint) -- Markiplier (Mark Fischbach), $13 million
9 -- DanTDM (Daniel Middleton), $12 million
10 -- VanossGaming (Evan Fong), $11.5 million
Forbes nih a langhtermi hi Ngunkhuai an pek hlan chung Sponsor, Ads, effects sales and appearances timi in an hmuhmi a si. A tamdeuh cu ngakchia zohmi nih phaisa an hmuhdeuh.
Comments
Post a Comment