USA president Donald Trump cu New York cozah-sihni nih taza a cuai i voi tam tuk hi "Case" ngol ding in Trump nih biaceihbawi Saliann Scarpulla cu nawl a pek nain biaceihbawi nih biakhiahnak a tuah cang.
Trump hi leicung rumbik 500 ah aa tel lo
Trump Foundation cu Charity (mihar bawmhnak) caah mikip le bu kip nih phaisa an rak pek (hlut) hna. Asinain Trump te chungkhar nih anmah pumpak hlawknak ah an hman tiah New York cozah-sihni nih tazacuai hna hi a si.
Trump Foundation cu Trump le a fa upabik nih ningcang lo in anmah pumpak hlawknak caah 2016 thimnak zong ah an hman, a ti.
New York state biaceihbawi Saliann Scarpulla nih a donghnak bia a khiahmi cu president Trump nih phaisa petu pawl sinah USD 2 million pe tthan seh ti a si. ABCNews nih a ttial.
White House nih bia an let rih hna lo nain ni kum hi case aa thawk ah Trump nih cun Twitter ah "won’t settle this case!" tiah a rak ttial.
December chung ahhin Trump Foundation cu hrawh/ngol a si fawn lai. Mah Foundation hi mihar, ralkap pensen tibantuk a bawm ding in rak sermi cu a si.
New York hi Trump khua taktak cu a si nain atu cu "Florida ah kan chungte in kan i tthial lai," tiah tu zarh ah khan thawngthanhnak a rak tuah.
Trump hi Tax a pek le pek lo theih a si lo i atu cu 2011 in tu kum tiang Tax / Ngunkhuai cazin na chuahpi hrimhrim lai tiah an hal. Aa chang peng rih, keimah hi USA president hna lakah a siifakbik, hlawh zong a la lo mi ka si tiin aa chang peng rih.
Asinain Upadi cung ah hohmanh um ding a si lo timi cu USA aa dawhnak, a tthawntertu le upattlak a sinak a si tiah ruah a si.
Comments
Post a Comment