Zahan november 11. khan hnatlaknak an ngei kho. Tutan SSC semi final in an thawk lai i a ralaimi january 8. le 12. ah an chuih lai. Barcelona nih Atletico Madrid a ton lai i Real Madrid nih Valencia a ton lai tiah Marca nih a ttial.
Semifinal i a sungmi team hnih cu 8.9 million euros veve an co lai, i final a phanmi team hnih cu 12 million euros veve an co lai tiah Marca nih a ttial..
Saudi Arabia nih zeitluk phaisa tam dah Spain Football Association an pek hna timi biafiang hngalh a si rih lo. Marca nih a ttialning ah Euro 120 million an pek hna.
Saudi Arabia hi nu pawl pa celhzuamnak zohter an duh lo, bawlung puai zong an zohter hna lo mawtaw zong an rak mawnghter hna lo (ni kum ceo khan tlawmte an hun sianh hna). Cucu tutan SSC he hnatlaknak an ngeihmi ah Saudi Arabia nu pawl nih bawlungchuih zohnak nawl an ngei lai timi aa tel.
Asinain Amnesty International nih cun a poi ngai ah an chiah.
"Hi kong ah kap hnih in kan zoh lai. Pakhatnak cu zelhzuamnak (Sport) hi phaisa nih za ah za in a khontrol cang. Pahnihnak ah Dictator bantuk Authoritarian cozah pawl nih Sport hi phaisa in an cawk i vawleipi hmai ah a tthami uktu le cozah bantuk in an tlongleng. Saudi Arabia hi mah zawn ah a cawlcangh ning zoh tikah phaisa le sport in aa hmaimilh," tiah Amnesty International hruaitu John Peder Egenaes nih NRK ah a chim.
"Saudi Arabia lawng a si lo, a ram innpa a simi Qatar te hna Authority a hmangmi cozah le uktu tampi nih Sport hi mi lemsawinak, ram dang le UN hmai ah rammi nih an kan duh ko ti langhternak caah an hman ngai hna," tiah John Peder Egenaes nih cun a chim chih.
Relchap: FIFA BEST le Ballon d'Or aa dannak
Comments
Post a Comment