Ni Khat Chungte Ah USD Million 600 A Hlawh

A luancia kum nga chung ah Kardashian chungkhar i a hniangbik simi Kylie Jenner cu amah min in sermi ttamhnak thil nih mirum ah a chuahter. 2015 khan Kylie Cosmetics timi cu a rak thawk i a tthanchoning a rang tuk.

Tu kum thawkka ah khan Forbes nih Kylie Jenner cu vawleicung i a kum nobik "Self made billionaire" tiah an mekazin phaw ah an rak cuanter i a 1.3 billion dollar a ngei an ti.

Kum khat hmanh a rau lo, atu hi kum 22 a simi Kylie Jenner cu a rum chinchin cang.

The Business of Fashion nih a ttialning ah a company Kylie Cosmetics cu ttamnak company dang Coty Inc. nih 51% an cawk. Mah company hi 1904 ah François Coty nih a rak thawkmi a si. Kylie Jenner cu dollar million 600 an pek.

Jenner nih a company zatceo uak a zuar hnu ah Kylie Cometics cu Kylie Beauty tiah a min a thlen tiah FOX Business nih a ttial, i Kylie Beauty tiah auh a si cang lai.

Foto: Entertainment Tonight