 |
| Norway in tu kum ah Israel a tlawngmi an si. Foto: Than Hlun/ Private Facebook |
Ni kum i Israel a tlawngmi khual nakin tu kum ah 30 00 00 leng in an tamdeuh.
The Central Bureau of Statistics (Israel) nih tu kum chung ah Israel a tlawngmi khual (turist) 3.7 million an phan tiah a ttial. Mah nih ni kum nakin 10% a tamdeuh ning a langhter. 2018 january in 2018 october tiang ah 3.4 million khual an rak ngei.
"Israel hi ral/ ralhrang siseh zeidang harnak phunphun kan ton ko nain Israel min hi leicung chawlehnak ttha ngai pakhat a si timi cu a phichuak nih bia a chim ko," tiah Minister of Turism, Yariv Levin nih a chim.
Tu kum chung ah khualtlung (turism) in phaisa an hmuhmi hi 5.48 billion dollar a si cang. Asinain khual nih kan khuasak-tintuknak (economy) a kan bawmh lawng si lo in vawleicung i Israel mithmai a kauhter hlei ah thazang a kan pek, tiah i lunghmuih ngaiin Levin nih cun a chim.
Tu kum chung USA um Chinmi si hna seh, Europe um Chinmi a tlawngmi lawng hmanh a za lengkai an si lai tiah ruah a si.
Khrihfa a simi hna nih tlawn ding an duhbikmi cu Israel a si cio.
TEIRIALCATIAL hi Facebook na ngeih cun LIKE & Follow tuah ve law, fawite in vawleicung thawngpang rel ve.
Cc: miff.no
Comments
Post a Comment