Claudia Emmanuela Santoso (2000 October 27. chuak) hi Indonesia in Germany ah sianginn kai ding in a nu tta nih a rak forh i an ram i degree a lak hnu 2018 ah Germany cu a rak panh. The Voice Germany aa zuamte lai i tuanbia thar a ttial te lai ti cu an rak ruat theng men lai lo.
Asinain avoi kuanak The Voice of Germany 2019 ah tuanbia thar pahnih a ttial. The Voice of Germany tuanbia ah Asian nih pakhatnak avoi khatnak kan lak a si. Pahnihnak ah The Voice of Germany tuanbia ah nu "Female coach" nih avoi khatnak pakhatnak a lak a si fawn, mah nu cu Claudia Emmanuela Santoso a kuritu (Female coach) Alice Merton a si.
The Voice cu "Blind Audition" luh a si i The Greatest Showman soundtrack "Never Enough" in Claudia Emmanuela cu aa zuam. Video ah nan hmuh bantuk in a thiam tuk caah an nolhter lawng si loin Alice Merton (Female Coach) nih a pahnihnak a zohtu a si nain "Keimah ka thim ko," tiah Stage cung kai in a va nawl, i mah hi nute nih a ka thim ahcun pakhatnak kan hmu hrimhrim lai tiah za ah za in a rak zumh. Youtube Comments ah "Pakhatnak pek colh ding a si," a titu an tlawm lo.
2019 february ah avoi khatnak The Voice of Germany Audition cu Munich ah an tuah. Aa zuammi 2000 hleng an si. 2019 march ah teinak a hmuh ti thawng a hun chuak i Berlin ah a hnubik Blind Audition a phan.
Blind Audition ah cun "Never Enough" timi The Greatest Showman movie chung hla in aa zuam i bualupa pawl lung a ton tuk pinah Social Media ah millions nih a kong an chimrel. Mah cu Claudia i Blind Audition ah a sakmi te cu The Voice of Germany tuanbia ah zohtu tambik a ngeimi a si fawn.
Final a phak tikah hla fung thum a sak. Cu hna cu "Castles", "I Have Nothing" le "Goodbye" timi an si. Youtube ahhin zoh khawh a si. "Goodbye" timi hla cu a Coach nu Alice Merton he an sak i mah cu November 10. ah khan Indonesia le Europe ram i iTunes ah ngaihbik a si.
Cc: Wikipedia, Youtube
Comments
Post a Comment