Vawleicung ah nu le pa, nungak tlangval aa thatmi an tam, pa nih a thah, a velh, a hrem, a duh lomi a tuahter, a sal ti bantuk hi a tam tuk. Tuchun hi vawleicung nu hna hrem le tukvelhnak dohni a si [International Day for the Elimination of Violence against Women].
Chungkhar i a cangmi kong hi a hleiin chiatnak, i hremnak le i tukvelhnak hna hi mi sin le palek sin chim hi thil fawi a si lo.
Atu i Ohio, USA i a ummi nu nih palek a chawnh hna ning cu tihin a si.
Mah nu nih a 911 a chawnh i palek nih an tlaih ahhin Pizza aa cahter caah fawite in palek nih an rak i fiang lo. Asinain nu nih cun an inn address kha ttha tein a chimh hna, palek nih Pizza dawr kan si lo, an ti zong ah a duh lo, a si ko, mah hi inn ah hun ka pe te u, a ti chih hnu in an i fiang.
Tim Tenyeck: Oregon 911
A chawntu: Mah hi [address] hin pizza cah ka duh.
Tim Tenyeck: Pizza cah duh ah ma 911 na chawnh?
A chawntu: Aw, Si. Mah a partment [Address] ahhin.
Tim Tenyeck: Mah namber hi cu Pizza cahnak a si lo.
A chawntu: Um rih, um rih. Na hngal lo i a si.
Tim Tenyeck: Kaan hun theihthiam tthan cang.
Tim Tenyeck nih palek a fial colh hna i mah Address ah cun thawng (palek mawtaw thawng) thei lo ding in a rannak in a thlah hna, tiah NBC News nih a tial. Kahin an i chawnhmi ngaih khawh a si.
A nu kha khuachung ah a len ruang ah a tlangval (a nu tlangval) nih fak ngaiin a velh. A voi tam ngai cang. Cu ruang ah a thli tein palek a chawnhmi hna a si. A ruang cu palek a chawnhmi hna a theih ahcun amah zong velh le a hnu ah thah tiang a si khomi a si caah thinphang ngaiin a thli in a tuahmi a si, ti a si.
November 25. hi UN nih nu vialte cung i hrem le velhnak, thahnak a doh ni a si.
Cc: NRK
Comments
Post a Comment