Union Parliament Nih Naupawi Nu Hna Caah Docawinak Nawl A On

Kawlram i nau pawi liomi nu le kum hnih tang ngakchia a a ngeimi nu (hirngtu) hna bawmhnak caah World Bank (IDA) i phaisa cawi ding Acozah nih a halmi cu Union Parliament nih a cohlan piak cang.

An cawi ding hi US$100 million (153 billions kyat) a si. President U Win Myint nih hi docawi ding kong ah Parliament ruahnak a hal i 168 nih an duh lo nain MP 302 nih an lungtlinpi caah an cawi khawh lai.

Union Minister of Social Welfare, Relief and Resettlement Dr. U Win Myat Aye nih mah hi phaisa cu acozah dirhmi Maternal and Child Cash Transfer (MCCT) nih ttuanvo a lak lai tiah Parliament ah a chim.

MCCT program nih 2017-18 phaisa kum in a thawk i Chin State, Rakhine le Naga lei ah naupawi nu hna le hringtu nu, kum hnih tang fa ngeimi hna cu thla khat ah ks. 15 000 an bawmh hna tiah Irrawaddy nih a ttial. Tutan an cawi ding phaisa nih zeitluk dah Chinmi a tthathnem lai timi Chin ram cozah an biapi ngai. Cun hi thla khat 15 000 hi an co taktak maw? timi Chin Media sin in theihmi a um lo.

Foto: Rakhine ramri i Chin nu le a fale khuaruah har ngaiin an um lio. paulratje.photoshelter