Amah lawng nih a ngeihmi a phaisa bak lawng an zoh piak. Share a pek i a ngeitu ah aa telnak company Armand de Brignac-champagne le Tidal in a hmuhmi phaisa siseh hlasak thiam a simi hna in a hmuhmi an si. A nupi Beyonce ngeihmi he fonh in 1.4 billion leng an ngeih tiah Forbes nih a ttial.
Rihanna hi hla thar aa chuah ti lo, a min zong an hun tlau ngai nain hlasak thiam Madonna (570 million dollar), Céline Dion (450 million dollar) le Beyoncé (400 million dollar) hna cu lonh in leicung nu hlasak thiam hna lak ah a rumbik a hun i chuah.
Robyn Rihanna hi hlasak lawng si lo in ttamhnak thilri lei ah biatak ngaiin caan a pek i Fenty Beauty timi khi 2017 ah a rak thawk. Forbes a ttial ning ah hi dawr a thawk thla khat hnih chung ah dollar million 100 hrawng an manh.
"Keimah nih ka uarmi le ka huam bakmi hi ka tuah ko. Minak ka si, ka no tuk rih. Phaisa cu hnu ah a ra te ko lai." tiah Rihanna nih a chim. Hi pinah hin Movie hna aa thla pah rih. Aa telnak zoh ding um len cang.
Jay-Z hi "entertaining" timi hlasak, movie le zeidang TV/Radio/Cauk tibantuk (artists) dirhmun in minak lakah a panganak billionaire a si. Amah hlan ah Steven Spielberg, Oprah Winfrey, Michael Jordan le George Lucas hi Billionaire an rak si cang.
Comments
Post a Comment