Ralhrang Pawl Nih An Duhbik Tiah Ruahmi Ram Pawl

Nitlak ram pawl ah thaal (summer) a hun chuak cuahmah i khualtlawn le vahvaih a hung tam. Cucaah Europe i ralhrang (terrorism) i runvennak lei thiamsang hna nih ralhrang kut i runvennak biatak tein an cawlcang.

A tanglei ram pawl hi ralhrang kut a tuar ding ah zumhmi, ralhrang nih an mitthit biknak ram pawl an si tiah khua-ram hoih in siseh raltuk le buainak tiluan zoh in an chim.

Cu ram hna cu: Iraq, Syria, Afghanistan, Somalia le Nigeria an si. Mah hi pawl hi Europe mi le American pawl an tlawn cemnak (toursit dirhmun in) a si lo. Asinain vawleicung ah i donak le ralhrang a chuahnak an si caah ttih an nung khun. Khualtlawn an tamnak Thailand, the Philippines le Sri Lanka hi ralhrang kut a tong ding ah an zumhbik.

Asin ram lakah Myanmar hi ralhrang kut, mibu in bomb puah hnawh le nawnnak a chuak rih lo nain a cang ding ah a si khobik ram ah an telh.

Europe ah cun Turkey ah ralhrang kut ton a fawibik lai tiah an ruah. Zeica tiah cun an ram khi Islam ram pawl he innpa a si caah le ral an thawhnak Syria le Iraq pawng a si ruang ah khin a si. Cun nitlak lei miphun pawl nih Turkey cu tlawn ding ah an duh ngaimi ram a si fawn.

A dang ram pawl cu Belgium, France, Germany, Russia le the UK hi khual an tam lai caah ralhrang chuah ding a fawibik an si tiah British thawngca Express nih a ttial. USA hi cu hlannak in an i harhdeuh cang, nain ralhrang nih an duhcemmi ram a si peng rih an ti.

EU thimnak ah muslim le ram dangmi a rem bak ti lomi party pawl nih teinak an hun hmuh.

Foto: LSECities