Tu zarh i Daily Mail nih bia fiang tiah Manchester United kong cabia pakhat a hun chuah. Mah cu Ole G. Solskjaer rian an pek lio i Ferguson a lungtling ngai an rak timi he a hun i dang ngai.
Talksport le Metro pinah UK media nih an hun ttial cio ning ah United hruaitu upa hna nih Ferguson ruahnak an rak la duh lo. A ruahnak an rak hal lo ti a si.
Manager rian an pek hnu lawng in Sir Alex nih a theih i Manchester United nih cun manager tthabik kha a kawl i a lak ding pei a si cu tiah Ole an lakmi cung ah a lung tlin lonak a rak chim.
Sir Alex nih tulio i a duhbik mi manager cu Tottenham manager Mauricio Pochettino hi a si, tiah Daily Mail nih a ttial.
United teinak a hmuhpi hna lio, caan karlak te a tlaih chung ah Sir Alex he coffee an ding tti bia an i ruah kho ngai nain a taktak ah Ferguson le Ole an i pehtlaihnak hi a rak ttha tuk lo ti a si.
Comments
Post a Comment