Chinmi kan vahvaihnak ramkip ah 20. february, kan miphun ni cu a ni theng ah kan tuah kho cio hna lo. Amah zarh he aa naihbik ni ah kan tuah tawn hna. Asinain Norway pawl hi cu an duh ahcun a ni theng ah a tuah kho an si ko nain Kawlram ah cun zarh khat aa duh in an tuah chung.
17. may ni taktak zong ah lawmh cu an i tim tthiam ti a si. Asinain Norway Embassy zung a umnak deuh lawng ah a ni theng ahhin an tuah ttheo.
Nay Pyi Taw i an tuah lio ah Chairman of Union Election Commission U Hla Thein le nupi, Union Minister of Information Dr. Pe Myint , Union Minister of Electricity & Energy U Win Khaing, Minister of Social Welfare, Relief and Resettlement Dr Win Myat Aye, Union Minister of International Cooperation U Kyaw Tin le nupi, cun MP tam ngai an i tel kho.
Norway le Myanmar ram hla an sa i an tthantar (flag) upat peknak an tuah. Cu hnu ah pawngkam le rili thianh hlimning cang, Plastic rili ah hlonh lo ding a biapitnak film tawi an zoh tti hna i Norway Ambassador le Union minister U Win Khaing nih biatawi an chim veve.
Zanriah an ei tti hna.
Foto: MNA
Comments
Post a Comment