Chinram Caah Italy Nih €30 million A Cawih Cang

May 27. ah Italy nih a karh um lo in kyat 51 billion (€30million) cu Myanmar’s National Electrification Project (NEP) a cawih cang i ram hnih hnatlaknak min an thut, tiah cozah media nih an ttial.

August 2018 ah parliament lungtlinnak bantuk in hi phaisa cu kum hra chung ah cham tthan ding a si lai an ti.

Hi phaisa hi khuate tthanchonak, cinthlaknak, satil zuatnak le dinti laknak caah hman ding in cawihmi a si. Mah vialte cu Myanmar cozah ministries chung in: Department of Rural Development under the Ministry of Agriculture, Livestock le Irrigation- (MOALI) nih ttuanvo a lak ding a si.

Relchih: Chinram Cozah Le Democracy

A tamdeuh cu Myanmar i a sifak bik ramtthen Chinram caah hman ding a si i a bikin khuate nih an tinco ding a si lai. A hleivuang pawl cu Sagain ramtthen caah hman a si lai. Chinram khuate chungkhar 96500 hrawng nih Solar Power le ti-tha in Mei an lak khawh ding 2019 chung ahhin an tuah lai tiah project cu an ngei.

Foto: Hakha khualipi nitlak lai. Fiakfairok Zathang/Facebook