Mah cu chung ah Reuters thawngpang phu chungtel, Myanmar jouarnalist a simi Wa Lone le Kyaw Soe Oo zong Rakhine i Rohingya kong biathli an phuan ruang ah Kawl cozah nih an tlaih hna i thong an thlakmi an si, i tu kum Time person of the year (TPOTY) ah an i thim ve hna.
A biapi in a lang khunmi cu Washinton Post i a ttuanmi jouarnlist Jamal Khashoggi timi Turkye i Saudi-Arbia zung ah an thahmi pa hi a si. Vawleicung i Intelligence Agency ah minthang bik a simi CIA nih fiang ngaiin an chim ngammi cu JK hi Saudi Arabia siangpahrang fapa nih thah a fialmi hna a si ti cu a si, nain an president Trump nih a si lai lo, American CIA cu a leh hna. Jamal Khashoggi thihnak kong ahhin Saudi Arabia prince nehnang an tlaihmi pawl tampi a ummi CIA nih an chiah ko, nain ram khat le ram khat kar pehtlaihnak diplomacy- ruangah Trump cozah nih biatak tein tha a pek lo hlei in a pheh piak chung.
A dang pakhat cu Maryland i "The Capital Gazette of Annapolis" timi thawngca hi a si. Tu kum june ah meithal aa kenmi pakhat nih an zung ah a luh hnawh hna i Editor le catialtu pawl a kah hna i minung panga an thi, pahnih cu a hliam hna. Biadik an phuan ruang i a cangmi a si.
A palinak cu Maria Ressa timi Philippine website pakhat i editor ttuanmi a si. An ram cozah nih "violence" a tuahmi vialte a phuan lengmang. Cozah nih biadik an thuhmi phuangtu a si caah a si.
Tu kum Time POTY cu journalist pawl le thawngca tiin min li a um caah a phaw pali in an chuah piak hna, i an tuanbia an ttialmi cu an telh hna.
TIME i Person of the year si a duh tuk pengmi president Trump cu tutan ah pahnihnak a si i, pathumnak cu FIB i Russia kong a hlathlai cuahmah mi Robert Muller khi a si, tiah Time editor nih a chim. 2016 ah khan Trump cu an rak thim ve ko.
1927 in Time nih person of the year a thim i 2017 ah #MeToo phu kha a thim.
2000 Hnu Time Person of the Year pawl
2015 – Angela Merkel
2014 – Ebola fighters
2013 – Pope Francis
2012 – Barack Obama
2011 – The protester (demonstrators from the Arab Spring, Occupy and Tea Party movements)
2010 – Mark Zuckerberg
2009 – Ben Bernanke
2008 – Barack Obama
2007 – Vladimir Putin
2006 – You (the individual online content creator)
2005 – The good samaritans (wealthy philanthropists)
2004 – George W Bush
2003 – The American soldier (especially fighting in the War on Terror)
2002 – The whistleblower (informants from Enron, WorldCom and the FBI)
2001 – Rudy Giuliani
2000 – George W Bush
Comments
Post a Comment