Asinain tu thla thawk i a chuak tharmi cauk ah Pope Francis nih Gay hi a poi tukmi buainak (very serious problem) a si cang tiah a chim. A hleiin pastor te le Pathian rianttuanmi hna lak i Gay an ummi hi a lungrethei khun ti a si.
Homofilsexuality/ Gay hi a sang tukmi buainak a si tiah pastor ttuan aa timmi le a sokmi pawl chimh hna a herh. Nihin zatlangnun ah Gay hi fashion pakhat bantuk in a hung lar i Khrihfabu le zeimaw Khihfa nunnak ah a lam pakhat khat in cun rian a ttuan cuahmah (a tthatnak le chiatnak chim lo.) tiah a chim.
Cu hlan Gay hi duhpaoh in mi nih rak theih le rak uar a si lo. Atu i a lar tukmi hi ka lungrethei tuk ee tiah Pope nih cu cauk thar ah cun a chim.
Gay si bu in Pastor ttuan cu a dik lomi a si caah an rian an chuahtak ding hrimhrim a si tiah a chim chih.
Cuti a chim bu ah hi cauk chung intervio ah tihin a chim chih: Gay pawl zong Pathian sermi an si timi philh hna hlah usih law Pathian a kawlmi an si ve caah hlawt hna ding an si lo. An zawn ruah ve ding a si, a ti.
Pope nih hin Catholic nih minung vialte thleidannak a ngeih ding a si lo zia, zeibantuk sining a ngeimi an va si zong ah siseh Pathian nih a dawt dih hna ti hi a chim lengmangmi a si.
December ah holh phun 10 leng in Pope intervio telh in a chuak ding cauk min cu "La Fuerza de la vacacion" ti a si.
 |
Islam Serhsat An Puh I Thah An Duhmi Khrihfa Nu Kong Tawi |
#AP
Comments
Post a Comment