A lor kho zong cu a si caah a si ve. Manchester United nih a rian an chuah hnu suimilam tlawmpal ah a umnak Hotel in a chuak (Checked-out) i hotel man a pekmi cu UK phaisa £537000 a si.
Hotel min cu "Lowry Hotel" ti a si i Manchester khua ah min a ngei tukmi hotel a si. Zan khat ah £600 man khaan pakhat ah Manchester United a hruai thawk in a pek.
2016 june in Porugal miphun Mourinho nih United manager rian a tlaih. Asinain Manchester khua ah inn-bing asiloah taih-khan timi apartment zong aa rak cawk lo. (Capo in rian an ka phuah colh sual lai ti a phan caah a si, an ti.)
Chelsea i sau ngai a rak ttuan caah London tu ah inn an ngei, i a fanu Matilde zong London University of Arts ah a rak cawng, i a fapa Jose Mourinho jr. zong London ah bawlung a rak chuih caah a si.
Lowry Hotel ah 2016 june 6. in a rak i tthum. United nih a rian an phuah ni tiang ni 895 caah £537000 hi hotel man a liammi cu a si.
Mourinho nih hotel a chuahtak ahhin rianttuantu pawl an mitthli a hai len tiah Manchester Evening News nih a ttial. Ni 895 tiang um hrat cu rianttuan pawl he aa kom tuk manh i a si ko ti a si.
Manchester United cu Mourinho nih Europa League le League-cup a teipi manh hna. Asinain tutan Season belte Liverpool he 3-1 in an sungh hlei in an zuamcawh bikmi Liverpool nih mark 19 in a thlau hna hnu ni hnih ah a rian an chuah hi a si.
A rian an chuahnak a ruang cu thaizing lei kan hun ttial lai, ca a sau cang.
ref: dailymail
Comments
Post a Comment