1.) England le Wales i lam cung a thimi an tam chin lengmang. Mah hna pawl hi inn le lo ngei loin lam cung ah khua a sami pawl an si. A luancia kum nga chung ah a thimi 24% in an hun tamdeuh tiah British Office for National Statistics nih a langhter. Ni kum lawng ah 597 an rak thi. A thimi hi buaktlak in pa pawl cu kum 44 hrawng an si hna i nu cu 42 an si hna tiah Mirror nih a langhter.
2.) Mexico le USA mipeem kong an lung aa khat. America laifang ram pawl in USA ah peem ding a phanmi pawl an ram ah khirh tthan ding kong Mexico he ttuan tti ding hnatlaknak a um, i mipeem lawng si loin dornak a soktu pawl zong an khirh hna lai tiah AP-news nih a ttial. Tuanbia ning ah Mexico nih a rammi si lomi mipeem a cohlang bal lo ti a si.
3.) Myanmar tthanchonak Rohingya kong nih a donh ko tiah tu zarh Asiatimes-article ah an ttial. Kawlram ah company ser le riantuan a duhmi ram dang mirum pawl an lut ngam taktak rih lo. Ram tthanchonak ding ah ram dang mirum le cozah pawl luh i rianttuan hi a biapi bik ah Kawlram cozah lei nih an bawhmi pakhat a si caah NLD cozah chan ah ram a tthancho lomi hi a si tiah ruah a si.
4. Kim Jong-un nih Atom-hriam fawite in a sung kan pe lai lo, kan thlah lai lo ee tiah december 20. ah khan a chim. A ruang cu kan rak chim lengmangmi amah runvennak caah a tthabik cu mah hi hriamnam hi a si caah a si ko. USA nih North Korea nuclear kong hi aa fian a herh ee tiah Kim nih a chim. USA nih North Korea phan kho ding Atom-hriam pawl a chiahmi hi a hrawh le a kirpi lo cun kan hrawk ve lai lo ti a si.
5.) Myanmar i Social Media hmanning ah hin Facebook hi an hmanbik i Twitter hi a hmangtu an tlawmte, an caah a tthathnemnak in an hmang kho rih lo. Asinain AsiaTimes i cattialtu pakhat nih tu zarh i cabia a ttialmi cu "Myanmar nih Facebook hi aa tthathnempi tuk bantuk in chiatnak tamtuk a chuahter ve." ti a si, i nihin Biaknak pakhat le pakhat i donak, ai neknak, i tihramnak vialte siseh miphun pakhat le pakhat i ralnak ca le minung pumpak mual iphohnak i kan hmanmi pawl a langhter. Mirang a rel khomi nih relphu ngai cabia a si.
6. USA nih Syria i a ralkap pawl cu ISIS kan tei cang tiin kirter a thawk cang. Ralkap 2000 leng an si. ISIS hi hriamnam le ralkap in cun an tei ngai cang hna nain lungput, ruahnak le an i tinhmi cu a thi rih lo. Ramkip ah ISIS daite in an i hrim rih ko, an cawl rih lo i a si tiah ISIS kong dothlattu hna nih an chim i USA nih Syria a chuahtak hi cu ISIS caah thawng ttha tuk a si ee, tiah an ruah. Tu zarh ah ISIS nih Europe nu pahnih an umnak inn ah an thah hna lawng si lo in an sawksam dih hna i tu hi an buai ngai lio a si.
Theih ttha a si na ti cun Share law, mi dang nih thei ve hna seh. Facebook Page ah breaking news kan ttialmi pawl rel nan duh cun rak zoh ve te.
Comments
Post a Comment