"Hi ram le hmun ah sianginn saknak nawl kan pe lo, an timi hi an lih a si. A taktak ahcun keimah le Ma Ba Tha chungtel hna nih kan dirpimi ramdawtnak Nationalism ruang ah an duh lomi hi a si." tiah journaists sin ah a chim.
"Muslim nih cun sa hna sehlaw, hri tan piak in onnak hmanh an tuah piak hna lai." tiah a chim chih.
Mah hi ttih a nung ngaingaimi a si. Mandalay ramtthen Chief Minister sin zong ah sianginn halnak ca cu a ttial i a tlirhkhonh rih. Jornalists sinah "Kan hngak kho ti hna lo, i zeipaoh cang ko seh sianginn sak cu kan thawk ko lai hih. Cozah nih democracy an duh lo i phungphai an buar a si ahcun Wirathu hi hodah a si timi ka hngalhter hna lai." tiah a chim.
Chief minister sinah "sianginn kan sak duhnak cu fimcawnnak biapi ah kan chiah caah a si i politk le nationalism kan ruah caah a si hrim lo." tiah an ttial nain "NLD zong hi sianginn saknak ah tel nan duh a si ahcun lunglawm tein kan in co hlan hna nain Nationalism cu nan ngeih hrimhrim a herh lai." tiah an ttial.
Caleh an tong lo. President zung zong ca an kuat nain president zung nih ca a leh hna lo caah an thinhun a zual. [ Aung San Suu Kyi cozah le Myanmar daihnak timi capar na rel cang maw?]
Alak tein sianginn an kai khawh nakding ah kan saduhtah cu a si. Asinain fimcawnnak tluk in nationalism cu a biapi tiah an nolh lengmangmi Irrawaddy ah rel khawh a si.
Mah Ba Tha le Wirathu hi hmailei Kawlram caah ttih a nung ngaingaimi an si. Kawlram chung ah Ralkap chungkhar pawl a thli rianttuannak, misual an zuat hna i a thli in minung aa ngeihmi an tampi. Cu pinah Wirathu te nih hin cu bantuk cu tampi ser an i zuam hnikmi a si tiah a purdaptu zong an um len ko.
Biaknak zalennak kan ti kho hnga maw?
Note: Irrawaddy nih a ttialmi relfawi le fiannak in leh tthanmi a si.
Comments
Post a Comment