Prince Harry Fa Min An Chim Chung, A Pi Min Site Kho

Vawleicung ah siangpahrang pennak cu an rak doh, an rak thlen i nihin ah cun ram tlawmte lawng ah siangpahrang an ngei cang hna. Cu hna lakah UK siangpahrang te dawng hi minlang an si.

Prince Harry le a thaisung Meghan cu tu kum ttharl dongh lei i Australia, Newzeland le Fiji te pawl an va tlawng lio 2019 ttharl khuapau hrawng i a chuak ding nau an pawi an i theih.

Atu hi a chuak rih lomi an naute min kong chimcaih le minsak ding phunphun an chuahpi lolh. Official cu a si lo nain Hello! Magazine nih siangpahrang te dawng kong a thei ngaimi hna a hal hna hnu ah pa a si ahcun Shane le nu a si ahcun Kylie hi an pek khawh hna ti a si.

A upa Prince William le Kate nau an rak cuanka zong ah tihin an min kong ah an i rak i caih ngai hna, a biapi ngaimi an nunphung pakhat bantuk ah a cang. A hnubik an fate Louis Arthur Charles an ti i an khuaruah a har pah, an Queen Elizabeth a pu-pu-pu min an lak tthanmi a si an ti. A ule pahnih min cu George le Charlotte an si.

A tang ah ca aa peh

Queen Elizabeth Nih Gay A Theihthiam Hna

Betting company pawl nih min an tarmi lakah a larbik pakhat cu Prince Harry a nu Diana hi fanu te a si ahcun an an khirh te lai tiah zumh a si.

Nu a si ahcun a pile pahnih min an lak veve lai tiah an zumh i Diana Doria Elizabeth an sak te lai tiah siangpahrang te dawng ko a thei ngaingaimi Monica Aafloy Hansen nih a chim.

Naite kha an pa Prince Charles kum a tling i an chungte in hman an i thla tti.


Share.