Norway zong ah Kawl dawr tete a hung um cang. Myanmar chuak eidin pawl a chung ah zeidah a um ti kan theih lomi tampi kan ei rih ko hna.
Cu vialte lakah Instant Coffee Mix hi pum caah a ttha lo ngaingai tiah theihmi a si. Norway ah Myanmar chuak coffee/tea mix pawl zuar a ngah lo tiah October ah khan Norway tirawl lei zohtu hna nih thawng an thanh.
Kawl dawr pawl nih Myanmar chuak Coffee Mix le TeaMix paoh an khirh tthan.
A ruang cu Myanmar chuak Tea-mix le Coffee Mix ah zeibantuk hnuk phun aa tel timi hngalh a si lo, nain "hnuk" phun aa tel. EU ram leng i chuahmi thilri lak ah Myanmar thil chuak hi khonthrol tuah lomi a si. Cu a si caah Norway i Myanmar Tea-mix le CoffeeMix pawl, cun hnuk aa telmi pawl hi Norway nih a tahmi le a ttha a timi a tlinh le tlinh lo hngalh a si lo caah Norway ah zuar kan khap tiah an website ah an ttial.
Norway Kawl dawr pahnih thum i an hmuhmi an chim i nan cawk a si ahcun rak hlonh uh, asilole khirh hna u tiah an chim.
Vawleicung ram tthabik ah a lam phunphun in Laimi le Kawlrammi kan phan hna. Europe, USA le Australia te hna kan um chan zeidah a si? A sangdeuhmi nunning, eining, thutto ning tibantuk pawl tiang ruah ding ngai khi kan si. Minung caah a tthabik le a herhmi a tlinnak ram an si, caw kho le ei kho dirhmun ah kan um hna. Asinain Myanmar chuak eidin phunphun kan cah, kan caw kan ei rih hna. Ngapih zong kan kio, kan ei.
Lai lei in zeitluk a hnawmtam lai ti kan hngalh lomi a caar/ro mi pawl kan ei rih hna.
 |
USA Le Norway Nih Myanmar An Tei Lonak Zawn Pakhat |
Mah hi ka hawile Norway mi nih an ka chimh hnu in ka theihmi thawng a si.
FYIO
Comments
Post a Comment