Bawlung chuih zoh ah Manchester United ttanhtu ca lawng si loin bawlung uartu tampi caah United mah ti an ttumchuk hi cu a nuam lo ngaingai. Manchester United ngeitu hna nih khua a thar in an ruah a hau tiah Expert tampi nih an ruah cang.
Facebook Page Follow tuah law, football news thar tete fawite in rel ve.
Player tampi nih Manchester United ah chuih an duh ti lo. United nih an duhmi minung an cawk khawh lonak a ruang hi Mourinho ruang ah a si tiah bawlungchuih minthang Ruud Gullit nih TV2 ah a chim. Mourinho bawlungchuih a duhning Style/ Idea hi a uar lomi an tam chin lengmang. Cu pinah player he aa rem lo a tamtuk i Club a ttuannak tuanbia zoh tikah a lungput i thlen dawh in a um ti lo. Caah minthang le a thiam timi mino tete zong nih Mourinho kuttang i bawlung chuih hi an duh ti lo caah United mi mi ttha le a thiammi an cawk khawh lomi hi a si tiah a ruahning a chim.
Manchester City le Liverpool tu an i thimdeuh cio cang hna ti a si.
David Degea cu Manchester United ah a thiambik pakhat a hung si. Real Madrid nih caan saupi an lemsawi nain a kal lo. Sihmanhsehlaw atu hi United chuah tak a duh cang tiah Manchester Evening News nih a ttial. Cawk a bawhtu club pawl a hlei in PSG nih Vawleicung goalbawh man fakbik le hlawh tthabik si ding in a hngah.
AC Milan nih a ralaimi kum Champions League chuih an duh caah phaisa tampi hman an i tim tthan. Cawk an duhmi hna cu Chelsea player pathum: Cesc Fabregas, Gary Cahill le Andreas Christensen an si. Zlatan zong Milan ah kum khat maw kum khat le cheu um ding a si tiah bia a chuak.
Everton-manager Marco Silva nih Andre Gomes cu Barcelona nih an sian ko ahcun cawk thai ding in a duh. Atu hi kum 25 a si i a hlan in hlanmi a si.
Eden Hazard cu Paris Saint-Germain nih an duh ngai i PSG ah a kal lai tiah bia a chuakmi cu a si lo ee, tiah a leh hna. Asinian Chelsea in chuah cu a duh ngai tiah Canal? nih a tial. Chelsea in a chuah a si ahcun Real Madrid lawng ah kal a duh kong a chim.
France hmaikal Ousmane Dembele nih Barcelona ah um a duh ti lo kong a chim. Amah hi manfak ngaiin an rak cawkmi a si, nain ruahning bantuk in Barcelona ah a lang lo. Hmun a ngei rih lo. Dembele an zuar a si ahcun Neymar hi Barcelona ah kir tthan dawh bik a si tiah Goal nih a ttial.
Facebook Page Follow tuah ve law, thawngpang thar fawite in rel ve.
Comments
Post a Comment