Santos Lopez hi an ram cozah dotu tapung pawl tthio ding in USA nih raltuk a rak cawnpiak hna lio ah aa telmi a rak si. 2016 ah khan USA ah an tlaih i an ram ah an kuat.
Tazacuaitu hna le biacaih zung nih tehte an hmuhmi bia fek an si i minung 171 khat a thah hna. Minung pakhat ah kum 30 cio in sualman thongthlak ding a si. Mah cu lak ah cun avoi khatnak mibu thahnak an tuahmi ah nau-sem pakhat cu a thi lo nain a thah chih caah a hleiin kum 30 an chap piak.
Gautemala ah a saubik thongthlak ding biacaihmi hi kum 50 lawng a si. Asinain tutan i Lopez kum 5160 an thlak dingmi cu "symbol" hmelchunhnak pakhat ah siseh ti a si.
Tazacuaitu hna nih an hmuhmi cu 1982 december ah Lopez le a hawile nih mi a bu in thahnak cu Mexico ramri i an cozah dotu tapung pawl an kawl pah ah an rak tuah hmasa.
Comments
Post a Comment