Syria ramri ah an ralkap 5000 in hmun hnih ah an chiah hna. Cu pinah Iraq cozah nih a khon-throlmi Al-Hashd Al-Sha'ab ralkap bu chung in ralkap 20000 nih an bawmh hna lai. ISIS i vennak caah ralkap 30000 cu redi in an chiah cang hna. Mah ti an i ralrinnak a ruang cu ISIS nih Syria khuate tam nawn an hun lak tthan hnu hin a si, tiah NBCNews ah Iraq ralbawi nih a chim.
Na rel cang maw?
 |
Islamic State Le Ttih A Nungmi An Tuahsernak Khamtu Ding |
2017 kum ah USA ralkap he caan saupi kan doh hna hnu ah Iraq ISIS pawl cu kan tei cang hna tiah prime minister nih teinak thawng a rak thanh. Sihmanhsehlaw, ISIS cu Syria siseh Vawleicung hmunkip ah an um, a sung pek an duh lo, an i hrim, caan ttha an hngak tiah a ruah a si.
Tu kum september 26. ah ISIS nih Iraq kan tuk tthan lai tiah thawng an rak thanh. Anmah IS lei biachim kho pakhat nih a donghnak a si lo, kan ra tthan lai tiah a rak chim. October 13. ah ISIS nih Syria ralzam a za leng in an tlaih hna i an kalpi hna. Mah chung ah cun ISIS caah ral a rak tumi ISIS ralhrang a zaammi chungkhat pawl zong an i tel tiah theih a si. Mah ni ah khan USA ralkap nih fak nawn in an rak tuk hna.
Nai hrawng ralhrang kut tete a um pah i ISIS nih kan tuahmi a si, tiah an i chim.
ISIS mibu vuinak pawl an hlai hna.
UN nih ISIS hi Vawleipi caah ralngan a si ko riah tiah a chimmi AP-newsagency nih a ttial. Tu tu zarh ah UN nih ISIS hi international-law a buar ning a thanh tthan. Ruak 12000 cu hmun 200 ah ISIS nih an vui hna i cucu an phul khawh hna caah ISIS sualnak fiang tein a langhter tiah an chim.
Hinak tam kan phul rih men hna lai tiah thinphang ngai in report an tial.
 |
IS Raltuk Chungah Mipi 9000 Hrawng Thah Chih An Si |
Share ve.
Comments
Post a Comment