USA president Donald Trump nih "Birthright" kong a von chim i theih a duhmi an tam ngai cio, Chinmi zong USA ah tamnawn kan um caah hnatun cio a si."Birthright" ti lawng a si lo, "Birthright Citizenship" ti a si. Birhthright timi i chuahpimi covo ( 'chuahvo' a timi an um.) cu universal human rights* ah aa telmi a si. Tutan i Trump nih a chimmi cu "Birthright citizenship" timi a si, i ka ca a rel tawntu hna caah fiangdeuh in hon langhter ka duh.
Birthright Citizenship Cu Zeidah A si?
USA i a chuakmi paoh USA/American sinak Citizenship an ngei. Cu American sinak a ngei cangmi nu asiloah pa nih a hrinmi a fa cu USA i a hrin lo zong ah American si khawhnak "Birthright citizenship" a ngei. Tahchunnak ah Trump he president a rak cuhmi le atu i Texas ah Senate aa cuh ding Ted Cruz khi Canada ah a rak chuak, a pa cu Cuban a si nain a nu cu American a si caah USA-citizen a si i president hmanh aa cuhnak kha a si. Cucaah Trump nih 2016 election voi tampi cu "Ted Cruz hi Canada ah a chuakmi a si i Canadan prime minister aa cuh awk a si, USA president aa cuh ding a si lo", a rak ti.
USA birthright citizenship kong a hram in coih ahcun minak in aa thawkmi a si. Sal an rak zuatmi minak Dred Scott cu a zalenmi ramtthen in luatnak an pek tikah minak a si caah American citizenship pek ding a si lo, tiah an rak doh. Mah caah cun atu i 14th. Amendment an timi khi a rak chuak.
14th Amendment(section 1.): All persons born or naturalized in the United states, and subject to the jurisdiction thereof, are citizens of the united states and of the state where in they reside.
Donald Trump cu cu Germany in USA ah a pemmi hna chung chan thumnak (tefa in rel ahcun) lawng a si. Mah hi 14th Amendment ruangah president hna a ttuan khomi a si. Germany pa (A pu) USA ah a pem, a pa a hrin i Trump hi a pathumnak a si.
Donald Trump A Lihnak:
USA birthright citizenship kong a hram in coih ahcun minak in aa thawkmi a si. Sal an rak zuatmi minak Dred Scott cu a zalenmi ramtthen in luatnak an pek tikah minak a si caah American citizenship pek ding a si lo, tiah an rak doh. Mah caah cun atu i 14th. Amendment an timi khi a rak chuak.
14th Amendment(section 1.): All persons born or naturalized in the United states, and subject to the jurisdiction thereof, are citizens of the united states and of the state where in they reside.
Donald Trump cu cu Germany in USA ah a pemmi hna chung chan thumnak (tefa in rel ahcun) lawng a si. Mah hi 14th Amendment ruangah president hna a ttuan khomi a si. Germany pa (A pu) USA ah a pem, a pa a hrin i Trump hi a pathumnak a si.
Donald Trump A Lihnak:
USA president 45.nak a si liomi Donald Trump nih "USA lawnglawng hi Brithright a ngeimi ram a si, mi pakhat a ra i fa a hrinmi cu US rammi sinak a ngei colh." tiah a chim. A palh. A lih. "Theihmi tlawm tuk" ti cu president hmanh pei a ttuan cu ti a si lai, a lih. USA lawng hi Birthright Citizenship a ngeimi ram a si lo.
Europe zong ah USA bantuk Birthright Citizenship a cohlang le a ngeimi ram an um ko. Theih fawinak in chim ahcun France, UK le Ireland an si. Asia zong ah Philippines le India khi Birthright Citizenship an ngei. Cun Israel (ziah a ngeih lai lo?) zong a ngei. South Africa zong a ngei. A dang an um rih.
Birthright Citizenship timi hi a rak ngeimi ram an um len ko. USA lawng a si lo.
Donald Trump hi Birthright Citizenship hrawh ding a chim hmasabik a si lo. Democratic party Senate leader Harry Reid nih 1990 thawk hrawng ah Birthrigt Citizenship hi hrawh ding a si, American caah a ttha lo tiah a rak chim (atu i Trump a chim lengmangmi mipem, ralzam le american rian a chuttu pawl ruangah), nain 2006 ah mah kha ka rak palh tuk a ti.
Mah hi 14.th Amendment hi remh khawh cu a si ko lai, minung ttialmi a si. Nain fawi cu fawi dawh a si lo. An phunghrampi thlen a herh lai. Cun President sinak Executive Order in teh a thleng/hnong kho lai maw? ti biahalnak a um i, president pakhat lawng nih a thleng kho lai lo tiah fiang tein Paul Ryan (republican and house speaker) nih a chim.
Caan karlak thimnak November 6. ah an tuah lai i hi lio ah mah kong a chimmi hi khuaruah har ngai a si. Ka blog le Facebook page rak zuldawi ve, tamdeuh kan rak ttial lai.
Europe zong ah USA bantuk Birthright Citizenship a cohlang le a ngeimi ram an um ko. Theih fawinak in chim ahcun France, UK le Ireland an si. Asia zong ah Philippines le India khi Birthright Citizenship an ngei. Cun Israel (ziah a ngeih lai lo?) zong a ngei. South Africa zong a ngei. A dang an um rih.
Birthright Citizenship timi hi a rak ngeimi ram an um len ko. USA lawng a si lo.
 |
USA President Hna Lak Fimcawnnak Sang Ngeimi Hna |
Donald Trump hi Birthright Citizenship hrawh ding a chim hmasabik a si lo. Democratic party Senate leader Harry Reid nih 1990 thawk hrawng ah Birthrigt Citizenship hi hrawh ding a si, American caah a ttha lo tiah a rak chim (atu i Trump a chim lengmangmi mipem, ralzam le american rian a chuttu pawl ruangah), nain 2006 ah mah kha ka rak palh tuk a ti.
Mah hi 14.th Amendment hi remh khawh cu a si ko lai, minung ttialmi a si. Nain fawi cu fawi dawh a si lo. An phunghrampi thlen a herh lai. Cun President sinak Executive Order in teh a thleng/hnong kho lai maw? ti biahalnak a um i, president pakhat lawng nih a thleng kho lai lo tiah fiang tein Paul Ryan (republican and house speaker) nih a chim.
Caan karlak thimnak November 6. ah an tuah lai i hi lio ah mah kong a chimmi hi khuaruah har ngai a si. Ka blog le Facebook page rak zuldawi ve, tamdeuh kan rak ttial lai.
Cc: LATIMES the meaning of US citizenship, WIKIPEDIA, Norsk Leksikon, sovereigngroup
Comments
Post a Comment