FIFA Best Award le Ballon d'Or aa dannak rel chih.
Cu media pahnih nih cun Raphael Varane, Kylian Mbappe le Luka Modric hi a hnubik a tangmi min an si tiah a ttial. A ralaimi december 3. khi laksawng pek caan a si lai.
Kan tial hmasami pahnih khi Russia i World Cup teinak ah aa telmi pahnih an si, i Luka Modric tu cu Final ah a sungmi a si. UEFA nih cun Modric hi a thiambik an pek. Varane le Modric cu Real Madrid ah a chuihtti an si i Champions League voi thum a tei ttimi an si, nain Varane cu World Cup a tei.
Ronaldo hi Juventus i aa thial hlan ah Modric te bantuk in teina ka rak hmu ve. Juventus caah puai 15 a chuih i goal kua a ngei. Asinain Messi bang World Cup ah zeihuaha a chuahpi ve lo.
Lionel Messi cu Barca ah amah nak in teinak a hmumi an um lo. A Tu kum ah La Liga le Copa del Rey (FA bantuk) a teipi hna. Asinain Champions League le World CUp a teilo.
Mah hi Italy media pahnih an chimmi a hman a si ahcun Luka Modric hi Croatia in a hmasabik Ballon d'Or teitu a si lai tiah ruah a si. A ruang cu mah hi Award hi France Football nih a pekmi a si pinah cu hlan ah France in voi li an co cang caah le tutan ah Modric a min langh ngai caah ruahchannak um dawh a si lo tiah expert pawl nih an ruah.
France in a co bal cangmi hna cu Jean-Pierre Papin 1991, Michel Platini nih 1984 le 1985 ah a peh. A hnubik Ballon d'Or France nih an co hi 1998 ah a si i Zinedine Zidane an rak pek. Mah cu World Cup an teika te a si.
Keimah pumpak ka ruah ning ahcun World Cup a teitu hi an pek hna lai tiah ka zumh. 2006 zong ah World Cup teitu Italy captain (back) kha an rak pek.
Mbappe cu "Golden Boy Award" ah aa tel lo caah ka lung hngiar ziar.
FACEBOOK Page Follow le Like tuahmi nih thawngpang thar tete nan don lai:
Comments
Post a Comment