Pumpak thiambik laksawng peknak hi kum tam ngai an pek cang i min lang in a petu pathum nih zeitindah an pek i zeidah a sunglawibik timi biaalnak a um kho ngaimi a si. Abiapi in
FIFA pekmi "the Best", France Football pekmi "Ballon d'Or" le UEFA's best player hna hi an sunlawi ning aa khat ngai nain an idannak tlawmpal te a theimi nih cun thleidan ning a kan bawmh khawh lai.
EUFA' best player
Kum tin an pekmi a si i cucu European Association of Football (UEFA) nih European Sports Media le European Association of Football Publications he i bawm in an pekmi a si. Europe ii a ummi Club ah a chuihmi lawnglawng thim an si, i a luanciami kum ah a Club le ram caah chuih a thiambik mi kha thim a si. Vote a pe khomi hna cu Journalist 55 le Champions League ah Coach/manager dirhmun in aa tel liomi le aa tel balmi 80 lawng hi an si.
FIFA' the BEST
Football Legends 13 an thim hna i FIFA nih Jury (zohfeltu) ah a chiah hna. Atu i Jury hna cu; Sami Al Jaber (Saudi Arabia), Emanuel Amunike (Nigeria), Cha bum-Kum (South Korea), Fabio Capello (Italy), Didier Drogba (Ivory Coast), Kaka (Brazil), Frank Lampard (England), Lothar Matthaus (Germany), Alessandro Nesta (Italy), Carlos Alberto Parreira (Brazil), Ronaldo (Brazil), Andy Roxburgh (Scotland) le Wynton Rufer (New Zealand) hna an si. A caan a dih lai ah a hnubik player 10 an thimmi kha an sinah an pek hna.
Vote thlak hi zapi theih ding in an tuah. Journalist (zeizah ti umlo), Coaches le ram aiawh Captain hna nih an duhbik mi pathum cio kha Point 5, point 3 le point 1 in pek khawh an si. International level in chuih a thiambik timi lawng thim an si, i vote tambik a hmutu pathum kha final an kai. Mah final a kaimi chung hin FIFA nih pakhatnak a thim.
Ballon d'Or
A kum upabik pumpak laksawng pekmi a si, i 1956 ah rak dirhmi a si. France Football timi Magazine nih a pek. 2009-2015 tiang FIFA he an i bawm i an pek.
Ballon d'Or kong hi fiang tein kan tial lengmang, a senmi pawl hi click-mi Link* a si.
Zeiruang ahdah Ball d'Or hi mi tampi nih an upat khun ti ahcun Season in zoh lo in kum khat chung Calendar-kum January in December tiang i a thiambik timi kha an thim. Phun dang in chim ahcun 2017 ah zeitluk a thiammi zong 2018 January in kum dongh tiang ah a thiam lo ahcun thim a si ti lo.
Vote a thla khomi cu International Federation of Journalists awn si. Point 6, pali, pathum le pakhat in an duhmi player panga kha an pek hna. Cu i point tambik a hmumi kha Ballon d'Or cotu a si ko.
The differences between The Best, the Ballon d'Or and UEFA's best player award
Cc: Wikipedia, Marca, Eufa, FIFA
Comments
Post a Comment