Selfie hmanthlak tampi Social Media le a dang online ah hmuh khawh an si. Cheukhat cu thlingza le ttih a nung tukmi hmun le caan i thlakmi an si. Hmanthlak lawng si lo, mawtaw le sycle mawngh pah te hna in Selfie video thlak a tam ngai i a hnuzul cu ttih a nung ngai.
India siibawi hna nih The Washington Post ah an chimning ah Selfie i thlaknak ah a thimi 259 hi 2011 october in 2017 november kar i a thimi an si. Selfie i a thimi hna hi ti a tlami, transport he pehtlai in vanchiat a tongmi an tamdeuh, abiana ah India ah cun tlanglawng a rat cuahmah lio ah Selfie an i thla i tlanglawng nih a pah hna a si loah an zamnak ah an thi.
Cheukhat cu sattil/saram he an i thlaknak, hriamnam an tongh tham pah lio le electric ruang te hna ah a si.
India hi Selfie thlak nak ah a thimi an tambik tiah cazin an chuah i Russia, USA le Pakistan nih a hun zulh. India siibawi te nih mah hi an hlatnak a ruang zong cu Selfie ruangah an ram mizaw le mithi an tam caah an tuahmi a si.
Selfie nak i a thimi hna hi kum 10 in 30 karlak deuh an si. Mino an si tinak a si. SOcial media i tar ding ruang le hmanthlak ttha pakhat duh ruang ah nunnak liam cu a phu lo tuk ee, tiah hi hlathlatnak report ttialtu Dr. Bansal nih Washington Post ah a chim.
2018 chung ah Selfie i thlak nak ah a thimi pakhat a um cang tiah The Independent nih a ttial.
Comments
Post a Comment