Ronaldo nih zeiruang ahdah Real Madrid a chuah tak timi hi mi tampi nih theih an duh.
El Mundo timi min ngei thawngca nih a ttialmi ning ah Ronaldo nih hin Real Madrid ah a chan dih tiang um a duh nain bawmtu le ttanhtu a ngeih lo caah a chuah tak tiah a ttialmi Media kip nih an hun leh chin.
Ronaldo cu ngunkhuai (tax) pe lo in phaisa a thuh tiah Spain cozah nih tazacawi a rak si. Caan sau nawn i pheh le hrial khawh a rak i zuam. Asinain a nunnak ah hnahnawhnak tampi a rak petu buainak a rak si. Cu tikah a duhning in bawlung a chuih kho lo, thintawi le lung ran in a rak i la.
El Mundo nih cun Ronaldo agent Jorge Mendes cu May ah khan an rak ton i hi kong an rak hal lio ah Ronaldo sihni Carlos Osorio hi a mawhchiat ngaingai. Carlos rian a si tiah a rak chim.
Cu kong he pehtlai in Ronaldo nih "Mah hi ho riandah a si? Sianginn kaimi ka si lo, bawlung lawng ka chuih. Asinain mihrut ka si lo caah hohmanh ka zum kho hna lo. Mah cu a si caah pei ruahnak a ka petu pawl hi a hlei in phaisa 30% kan pek peng hna nak hi a si cu. Zei buainak hmanh ton ka duh lo caah rian kan pekmi hna a si", tiah Ronaldo nih a rak chim.
- Zeitik hmanh ah ngunkhuai pek ka duh lo ka rak ti bal ttung lo!!! Thil a cangmi hi theih ka duh, tiah a rak ti.
Real Madrid nih an dirkamh lo.
World Cup lai June ah khan Ronaldo cu Spain biacaih zung nih thong kum hnih le Euro 17million hrawng liam ding in dan an tat. A al tuk hna nain a hnu ahcun phaisa cu a liam ko. Thongtu cu an phung ning ah kum hnih tang cung a si lomi cu thonginn ah um a herh lo caah a tla thai lo.
Asinain El Mundo nih a ttialning ah Ronaldo hi a agent le sihni cung lawng ah a thinhung lo, a club Real Madrid hruaitu pawl cung ah a lungfak ti a ti.
Pakhatnak ah 2017 i Champions League final khawh ah Real Madrid nih Contract an tuah piakmi a lungtling lo. A hlawh an chapmi a lungduh a si lo. Pahnihnak ah Ngunkhuai kong ah a Club nih an ttanpi lo caah a lungfak. A hlei in Barcelona nih Messi fakpi in an ttanpi i anih a club nih an ttanpi lo caah a lungfak. Pathumnak ah amah nakin Alfredo Di Stefano hi Real Madrid ah min lianbik a si tiah a club nih an pom caah a duh hrimhrim lo.
- Ronaldo kong buainak hi zei si paoh ah a rannak in phisin u, aruang cu thilthlennak khaan ah mah hi kong dah ti lo a chimrelmi le a buaipimi a um lo, tiah Real Madrid i min lianbik si a duhnak kong ah Zidane nih club hruaitu pawl sinah a rak chim.
Mah cu a si caah Real president nih a caw khomi an um ahcun kal ko seh a rak ti.
PSG, United le AC Milan nih an duh cio ko nain Juventus tu ah aa tthial.
SHARE!!!
Photo: usatftw.files.wordpress.com
 |
| 2018 Golden Boy Award Hmu Kho Ding Min List le Zumhmi Hna |
Comments
Post a Comment