Kan hnu zarh cawn nilini i France le Island an chuih ah 2-2 in an rak dih i Kum 19 lawng a si rihmi Kylian Mbappe nih a goal 10.nak a sut khawh. Tu zan Germany he an chuih tthan lai i goal khawh ding a lam tampi a um.
OptaJean nih Kylian Mbappe cu France tuanbia ah kum 20 tang ram aiawh in a hmasabik goal 10 a sut khotu a si tiah a ttial. Amah hi kum 19 lawng a si rih i cuti a si ahcun Cristiano Ronaldo le Lionel Messi a tei hna tinak a si.
Brasil hmaikal Pele lawng hi kum 18 a si ah an ram caah goal 10 a sut khomi a rak si i mah cu 1959 March ah a rak si. Kum 20 a si ah goal 24 Brasil caah a sut manh. Hohmanh nih an tluk rih lo.
England hmaikal Wayne Rooney nih Europe Cup 2004 ah goal 4 a rak sut khawh caah kum 20 a si ah goal 10 cu England aiawh in a sut manh ve.
A dang pakhat cu Michael Laudrup timi Denmark pa a si. Kum 20 a si hlan ah goal 10 an ram aiawh in a sut manh ve.
A dang pakhat cu Michael Laudrup timi Denmark pa a si. Kum 20 a si hlan ah goal 10 an ram aiawh in a sut manh ve.
Kylian Mbappe cu kum 20 a tlin hlan ah an ram aiawh in voi thum chuihnak caan a ngei rih i goal zeizahdah a sut khawh lai timi zoh lawng a si ko. Mbappe hi a hmasabik Golden Boy Award a peh in a la kho ding a si, Ballon d'Or zong ah a min an tar.
World Cup final ah kum 20 tang a simi goal a sut khomi cu Pele le Mbappe lawng an si rih i Pele nih cun kum 17 a si lio 1978 Sweden i World Cup final ah goal a rak sut. Kum 60 hnu ah PSG hmaikal Mbappe nih Russia i World Cup ah final ah goal a sut ve. World Cup pakhtnak an lak veve fawn.
Cristiano Ronaldo nih 2006 ah khan Portugal caah goal 10 a sut khawh i cu lio ah kum 21 a si cang. Lionel Messi nih Argentina caah goal hra a sut hi 2010 ah a rak si i kum 21 a si hnu a si cang. Kum 20 tiang Senior football an chuihmi ah goal 20 in 27 hrawng lawng hi Ronaldo le Messi nih an sut. Asinain Mbappe cu a zapi a goal cangmi 54 a si.
Ram le Club (senior) caah goal tam in Mbappe a teitu cu Brasil in original Ronaldo, kum 20 a si hlan ah goal 64 a ngei cang, le Brasil tthiam in Pele hi an si tiah Sporf.com nih a ttial.
Comments
Post a Comment