MARCA: Real Madrid Maneger Rian An Phuah, A Thar Tuni An Lak Lai

Spain media pawl le Madrid thawngca lianbik Marca siseh nih El-Clasico i Barcelona nih 5-1 in a tei hnu in Real Madrid nih an manager Julen Lopetegui cu an phuah lai tiah an ttial cio.

Marca nih cun El-clasico kha Julen nih a hnubik Real Madrid a hruai a si lai tiah a ttial. Atu hi Chelsea manager hlun Antonio Conte cu Madrid lei panh in Santiago Bernabeu ah a kal cuahmah lio a si.

Real Madrid manager a ttuan hlan ah Ronaldo le Messi Kong A Chimmi Nih A Hloh

Tuni hi Real Madrid nih Antonio Conte cu an manager thar ah zapi theih in an thanh cang lai tiah Marca nih a ttial.

Conte hi 2016/17, Premier League club a tlaih kum ah Chelsea cu pakhatnak a lakpi hna nain a hnu kum ah cun pakhatnak a simi Man. City nih point 30 in a rak thlau, i Champions League hmanh an chuih kho ti lo. Mah cun rian an chuah i atu tiang rian lo in a um. Juventus hi Serie A ah pakhatnak voi thum a rak lakpi bal hna.

A hnubik Champions League an chuih ah Real Madrid nih teinak a rak hmuh i Julen a thawpi a rak chuak deuh nain Real Madrid caah a biapi ngaimi El Clasico ah Barcelona nih fak tuk in a teimi hi cu cohlan a har ngaimi a si.

Asinain manager thiam lo maw a si, a chuihtu pawl thiam lo le i biatak lo dah a si timi cu anmah a chuihtu le manager nih an hngalh bik hnga.

REAL MADRID Manager Thar A Si Kho Ding An Zumhmi Hna