Nai zarhteni i Newcastle le Manchester United an chuih ah Anthony Martial nih minute 76 ah goal a sut i 2-2 an rak si. A dih lai ah Alexis Sanchez nih 2-3 in a teipi hna. Anthony Martial nih 2-2 a sutmi goal ruangah Manchester United nih Sterling-pound 8.73 million an liam a herh lai tiah The Telegraph nih a ttial. [A tang ah youtube in a goal lio zoh khawh si.]
Mah cucu Monaco in United nih an cawk lio ah biatiamnak an rak ngeihmi a si. United nih 2015 i Martial an rak cawk lio ah £30 million hrawng lawng an liam nain bia tiammi an ngeihmi tete a man tuak tikah a zapi £52 million man a si tiah an ttial.
Anthony Martial nih Manchester United caah goal 25 a ngeih tikah Monaco cu United nih £8.73 million kan pek lai tiah bia a rak tiam. Tu kum anuary 20. ah khan Martial nih Burnley he an chuih ah 24 a rak ngeih, asinain Manchester United ah chuih caan a ngei ti lo i naite Newcastle he an chuih lawng in 25nak a sut khawh.
Manchester United nih bia an rak i tiam rihmi cu Martial hi an ram France team ah aa tel i puai 25 tiang a chuih a si ah siseh, 2018/19 tiang ah Ballon d'Or co kho ding a min tar ve a si ahcun £8.75 million kan in pek chap hna lai tiah an rak ti. Cucu The Telegraph nih a ttial.
Asinain luat dawh an si, a ruang cu Martial hi France aiawh in an ram caah chuih caan a ngei lo. A Club ca zong ah Mourinho nih a hman lo tiah ram caah cun hmunhma a ngei kho ti lo. Cu tikah Ballon d'Or caah mintar mi lakah aa tel kho ti lo.
Atu cu nai a Goalmi man dah ti lo, a dang biatiamnak zeihmanh an ngei ti lo. Tahchunnak ah Martial hi 2017/18 chung ah Club dang ah United nih a zuar a si ahcun a man lak i 50% hi Monaco nih aa lak ding a si. An zuar lo caah a dih cang.
Jose Mourinho nih voi tampi Martial zuar a duhnak a rak langhter. Martial cu bawlung chuih lem lo in saupi a um. Asinain atu cu United nih a ralaimi kum nga caah minthutpi an duh tiah theih a si.
Mah ti an rak chuihter lo, an rak hman lomi zong hi Monaco he biatiam an ngeihmi ruangah a si ttheo lai tiah ruahnak a chuak.
Tu zarh i Chelsea he an iton tikah Mourinho nih a hmang te lai maw timi zoh te hna usih.
Comments
Post a Comment