China Nih $20 Billion Dih In A Sermi Rili Cung Hlei

Vawleicung i rili cung hlei ah a saubik cu Hong Kong le Macau - Zhuhai a pehtu hlei thar hi a si cang tiah October 23. zingka in media nih an thanh. Kum kua chung an sakmi hlei cu Chinese president Xi Jinping nih onnak a tuah.

China hi Leicung ah top a si ve rih, USA lawng nih a tei.

2009 kum in rili cung le rilo chung lukua-lam hna cu ser an rak thawk. Kilometer 55 a sau i Dover in aa thawkmi English Channel le Calais (France) karnak in 22 kilometer a saudeuh.

USD 20 billion hrawng dih in an sermi Macau - Hong Kong hlei hi Vawleicung a saubik paruknak a hun si. Hlei sertu hna nih a tlawmbik kum 120 cu kan hman lai tiah an i ruahchan. Hi hlei an ser khawh ruangah Macau le Hong Kong kar lam caan 60% a tawideuh ti a si.

Nichuah thlanghlei a ummi Tuluk khuapi 11 hrawng fawite in i tlawnkai khawhnak caah a ttha chinchin cang lai. Tuluk caah a biapi tukmi hlei a si tiah an ruah.

Hi hlei an ser chung ah rianttuanmi pasarih an thi, i 129 cu an i hliam. Aa hliam le a thimi hna lakah a tamdeuh cu a cung sannak in an tawlh asiloah an tlaak caah a si.