2018 I A Man Fakbik Ram Le Thil Thabik Ram Hna

BrandFinance nih Vawleicung ram vialte lakah thil chuak (Brand/company min telh in), rumnak, phaisa hramsih rianttuannak (investment), rianttuan piaknak (services) le zatlangnun (society) vialte an zohfel hnu ah aa tthabik le man a ngeibik ram ti in report thar te an chuah. - Phun dang in chim ahcun USA le Myanmar khi thil min si hna sehlaw, an man a fah le din khi cuai an thlainak a si.

– Ram pakhat nih a ngeihmi thil/company/ chawlehnak pakhatkhat min hi a biapi bik in zohmi cu a si, tiah BrandFinance (BF) i an hruaitu bik David Haigh nih biahmaitthi ah a tial. BF nih an zumhnak ah a tthawngmi thil/chawlehnak nih ram dang Investment tampi a luhpi khawh, i a biana ah mipeem/ralzam le Tourism hna hi an si, tiah a chim.

USA hi pakhatnak a si. Nain Vawleicung a tthawngbik/ a tthabik cu a si lo.

Donald Trump nih "Make America Great Again" a ti i USA a nunnak ding a si ahcun ram dang an thih zong a poi ah a chia lo. Cucaah nihin ahcun USA cu pakhatnak a si rih ko, cu hlan zong ah a si pengmi a si. Trump a pumpak tuahsernak hi social media lawng ah sawisel ngai a si nain a taktak ah zeihmanh ah an rak rel lo ning a langhtertu a si.

Report thar ning ah USA thil/brand hi 2017 ah 21.058 billion man a rak si i 2018 ah 25.899 billion a phan. Cu nih Vawleicung i thil man fakbik a si ter. Trump nih USA minthannak hi a thla kho leem lo tinak a si.

A pahnihnak ah USA a phan nai rih lomi Tuluk le pathumnak ah Germany khawh in palinak ah UK an i zul. USA nih pahnihnak a simi Tuluk cu a let khat in a lonh ko rih.

Asinain USA, Germany le UK hi 2018 chung ah an thil/brand man 20% cio a hung kai timi fiangte in an langhter. Tuluk cu 25% a kai tiah BF nih a langhter. Wall Street nih USA sipuazi a kai ngaingai tiah thla thawk ah a rak langhter ve.

Vawleicung a ttha/tthawngbik thil/brand cu Singapore a si.

BrandFinance nih thil man fakbik lawng a langhter lo, Vawleicung ah zei thil/brand dah a tthabik le a tthawngbik a si timi a langhter ve.

USA cu pariatnak lawng a si.

Singapore hi leicung a tthabik thil/brand a sinak hi rampi huap in fimcawnnak a sangbik ram a si pinah Asia i teachnology lei Headquarter a tamibiknak le a sannak le ramdang in investment a luhbiknak a si, tourist an tamnak zong a si caah tiin an langhter.

Myanmar cu leicung thil/brand man ah 68.nak (2017) in 73.nak ah a tla diam. A ruang hi remdaihnak an ser khawh lo ruang le Rohingya buainak ruang i Myanmar ah ramdang a hramsih rianttuannak a zormi pawl ruangah a si.

Note: BrandFinance website ah tlingte in zoh khawh si.