France Football nih 2018 Ballon d'Or a co kho ding min 30 a hun tar cang hna. Hote pawl dah an i tel a tang ah zoh hlan ah Ballon d'Or timi Sui Bawlung kong tlawmpal zoh than u sih.
Sui Bawlung hi cu hlan ah France Football (Magazine) lawng nih 1956 in a rak pekmi a si. Vawleicung ah pumpak in co an duh bik ciomi le a sunglawi tukmi minthatnak pekmi a si. FIFA nih a dang tein Best Player of the Year a rak pek ve nain 2010 khan FIFA nih France Football Magazine cu hmunkhat ah kan pek tti lai, FIFA Award kan pe ti lai lo an rak ti i pek an rak thawk. Sihmanhsehlaw, atu hi FIFA nih France Football he rianttuannak cu a ngol cang. FIFA nih amah tein leicung thiambik «FIFA World Player of the Year» thimnak a tuah tthan.
FIFA he i bawm in kum ruk an pek chung ah Ronaldo le Messi dah ti lo hohmanh nih Ballon d'Or hi an co hlan lo. Anmah pahnih hlan ah a rak cotu cu Kaka kha a si i 2007 ah a si, mah pin cu Ronaldo le Messi an i chawng. 2007 lio zong ah Messi le Ronaldo hi pahnihnak le pathumnak an rak si.
FIFA nih 2016 thawk in amah tein a thim ve. Tu kum cu hawi hlan ah a pek i Luka Modric an pek, Ronaldo le Salah cu pathumnak le pahnihnak lawng an si.
Ronaldo nih 2017 kha Ballon d'Or a rak co i a 5.nk a co si ve caah Messi a tluk cang. Ronaldo nih 2008, 2013, 2014, 2016 le 2017 ah a co. Lionel Messi nih 2009, 2010, 2011, 2012 le 2015 ah a rak co ve.
Ballon d'Or cu The international federation of journalists 175 hrawng nih vote an pek lai. Online vote le mipi vote nih lai a rel lai lo.
2018 cu Paris ah a si cang lai i december 3. ah an pek hna lai. Cu hlan nu an pek ballomi zong tutan in an ot lai. Ahodah an pek lai? Hi an tarmi min 30 lakah na zumhmi hodah a si? Min tarmi hna cu:
Sergio Agüero (Manchester City)
Alisson Becker (Liverpool)
Gareth Bale (Real Madrid)
Karim Benzema (Real Madrid)
Edinson Cavani (PSG)
Thibaut Courtois (Real Madrid)
Cristiano Ronaldo (Juventus)
Kevin De Bruyne (Manchester City)
Roberto Firmino (Liverpool)
Diego Godín (Atlético Madrid)
Antoine Griezmann (Atlético Madrid)
Eden Hazard (Chelsea)
Isco (Real Madrid)
Harry Kane (Tottenham)
N'Golo Kanté (Chelsea)
Hugo Lloris (Tottenham)
Mario Mandzukic (Juventus)
Marcelo (Real Madrid)
Sadio Mané (Liverpool)
Kylian Mbappé (PSG)
Lionel Messi (Barcelona)
Luka Modric (Real Madrid)
Neymar (PSG)
Jan Oblak (Atlético Madrid)
Paul Pogba (Manchester United)
Ivan Rakitic (Barcelona)
Sergio Ramos (Real Madrid)
Mohamed Salah (Liverpool)
Luis Suárez (Barcelona)
Raphaël Varane (Real Madrid)
Keicu Kylian Mbappe (PSG) hi ka zumh ngai. Mino caah an tuahmi Golden Boy Award cu amah a si ko lai caah Luka Modric cu maw an pek tthan te hnga?
Comments
Post a Comment