Zinedine Zidane nih ruah lopi in Real Madrid a chuah tak cu a laumi an tam ko. "Champions League a peh in voithum tei hnu ah hi Club i rian peh ding cu a si kho lomi a si." tiah Zidane nih a chuahnak a ruang cu a chim.
Cuti a si ah, aho nih dah a chawn kun lai? Rian a lawn ttung?
Real Madrid manager rian cu mikip nih chunmang an manhmi rian a si nain rian fawi a si lo. Manager rian a phuak tamcem hi Real Madrid a si. Kum khat hmanh ttuan hlan ah rian chuahmi si cu hodah a duh lai?
Mah cu a si caah rian lo in khua a sa komi Arsenal manager hlun Arsene Wenger hi Real Mad. nih an duh kong an rak chim bal. Cucaah caan karlak manager an duh takmi an hmuh hlan cu Wenger hi kum khar maw zeimaw caan tawi chung ttuan ding in an laak lai tiah zumhbik a si.
A taktak ah cun Tottenham manager Mauricio Pochettino hi Real Madrid nih an duh i Kane he cawk an rak duh kong an chim bal. Cu hlei ah Bale le Ronaldo nih Real in chuah an duh kong he pehtlai in Harry Kane maw atu i Bayern in chuah a duhmi Lewandoski ah pakhat paoh cawk an duh caah Mauricio Pochettino hi Real nih duhbik dawh a si.
Asinain Mauricio nih Tottenham ah kaa nuam tuk ko, tiah a leh hna.
A dang pakhar cu Chelsea in a chuak chom lai tiah ruahmi Antonio Conte hi si. Juventus le Chelsea ah a hlawhtlin ngai ko caah an duh ngai.
Real Madrid ah a rak chuih balmi, atu Real kum nodeuh pawl coach a ttuanmi Guti khi Zidan bantuk in a kai lai tiah a zummi an um. Asinain amah nakin atu Germany coach Joachim Löw hi World Cup dih in cun a lawng lai tiah zumh a si caah an hngak kho men ti a si ve. Cun Junventus manager zong khi a za ngai i zeidek a lawh lai?
Cc: Skysportnews
Comments
Post a Comment