Tu zan Spain he a chuih ding Portugal hmaikal Cristiano Ronaldo cu Spain a um chung ah ngunkhuai (Tax) a pek lo caah thong kum hnih thlak ding in bia an cieh piak. Cu pinah Euro 18.8 million a liam a herh tiah Reuters nih a hun ttial.
World Cup an chuih lai ah Spain biaceih bawi nih biakhiahnak an tuahmi Ronaldo caah a poi ngaimi a si.
Thla tam ngai Ronaldo ngunkhuai pek kong hi Palek nih hlatnak an tuah cang i an i pheh khawh ti lo caah hlennak a tuah tiah an puhmi cu a cohlan tiah El Mundo nih a ttialmi Reuters nih a ttial chih. Ronaldo nih ngunkuai upadi a buarnak hmun li cu pheh lo in a chim, i hmun khat a buarnak paoh ah thla ruk thong thlak ding a si caah a zate kum hnih a si lai.
Ronaldo lawng hi atu bantuk in phung a buarmi a si lo. Amah bantuk in phaisa le ngeihchia caah ngunkhuai pe duh lo in ram dang ah a phaisa a thuptu tampi an tlaih cang hna.
Messi zong Spain cozah ngunkhuai zung nih taza an rak cawi cang. 2016 ah khan thong thla 21 tlaa ding in biaceih a rak si. Messi pa, Jorge Horacio zong phung a buar caah Euro 4.5 million hrawng a rak liam ve.
 |
| World Cup Teitu Ram Nih An Co Ding Phaisa A Zat Cu Tam Ko |
Angel di Maria zong ngunkhuai hlennak ruang ah thong thla 12 thlak ding biaceih a rak si.
Asinain an zate in thonginn chung ah um theng an herh lo tiah Spain upadi ah a um. A ruang cu cu hlan ah thong a tlaa bal le sualnak a tuah ballomi an si caah le biaceihtu nih thla 24 leng in thongthlak ding a ti lo caah a si.
Ronaldo zong thla 24 lawng thongthlak ding in bia a ceih caah thonginn ah a luh theng hau lai lo. Phaisa belte cei nawn a liam lai tiah theih a si.
Real Madrid Manager thar nih Ronaldo nakin Messi a thiamdeuh a ti.
Foto: Reuters
Comments
Post a Comment