Real Madrid nih manager thar an hmuh cang i atu Spaine Coach a ttuan liomi Julen Lopetegui a si tiah an website ah an ttial. World Cup a dih in Real Madrid ah a ra colh lai ti a si.
Kum thum caah min an thut. Cucaah Champions League a peh in kum thum a lami Real Madrid Club cu Zidane nih a chuah tak nain lung a tlingbik mi manager kan laak khawh caah thawng ttha ngai a si tiah an chim.
Asinain Julen Lopetegui nih Sports Illustrated ah a rak chimmi bia ruangah Ronaldo he rian an ttuan tti kho lai maw timi biahalnak a hun chuak. Cucu zeidah a si tiah cun Ronaldo le Messi ah hodah a thiamdeuh timi Debate lio ah a ruahnak an rak halmi a si.
- Messi cu tuanbia ah bawlungchuih a thiambik a si ko, tiah a rak chim.
Asinain Messi hi ti a thiamnak cu a chuihtti hawi pawl an thiam ngaingai caah le manager thiam tang ah a chuih caah a si ve tiah a chim chih. Asinain Ronaldo caah cun theih a nuam lo ngaimi a si pinah Julen nihhin a luancia kum ah khan Leicung thiambik thimnak ah Messi vote a rak pek ti a si.
Ronaldo nih Champions League a dihka te in Real ah ka um le um lo a fiang chom lai a rak ti. Ka um ding a si ahcun kum 40 leng ka si tiang Contract tuah ka duh pinah kum khat ah Euro 40million nan ka pek lai tiah a hal hna.
— #CHAMP13NS 🏆⚽️ (@realmadrid) 12. juni 2018
Cu chin chap i Julen an van thim cun Ronaldo cu Real ah a um ding a har ngaimi a si cang lai lo maw?
Real Madrid nih an thimmi Manager hi keimah pumpak nih cun ka uarngaimi a si, Real nih an i thimfuh ko tiah ka ruah.
Spaine cu World Cup tei kho dirhmun ah an um ve.
SHARE
Comments
Post a Comment